“Жұрттың баласын“ қалай өсіруге болады: министр қазақстандық ата аналарға кеңес берді

Оқу-ағарту министрі Жұлдыз Сүлейменова ата-аналар баланың қабілетін ашып, табысқа жетуіне қалай көмектесе алатыны туралы сұраққа жауап берді, деп хабарлайды Tengrinews.kz тілшісі.

Үкіметте өткен брифингте шенеунікке Оқу-ағарту министрлігінің басшысы әрі ана ретінде қазақстандық ата-аналарға қандай практикалық кеңес беретіні туралы сұрақ қойылды: үлкен жетістіктерге жететін, мәселен, Айви лигасы университеттерінің біріне оқуға түсе алатын баланы қалай тәрбиелеуге болады?

"Қазақстандық ата-аналарға "жұрттың баласын" қалай тәрбиелеуге болатыны туралы нақты, практикалық кеңес бере аласыз ба?" - деп сұрады журналист.

"Менің ойымша, баланы қолдау керек, оны тыңдап, ести білу қажет, барлық "ыңғайсыз" сұрақтарына жауап беріп, оның кез келген бастамасына демеу болу маңызды", - деп жауап берді Сүлейменова.

"Жұрттың баласы" тіркесі ауызекі тілде көбіне мысқыл ретінде қолданылады - ата-аналар өз баласына үлгі етіп көрсететін "біреудің мінсіз баласын" осылай атайды: ол сабағын жақсы оқиды, спортпен шұғылданады, олимпиадаларда жеңіске жетеді, беделді университетке түседі, жалпы "бәріне үлгереді".

Жақында Стэнфорд университетіне оқуға түскен Ақтөбе облысының 18 жастағы тұрғыны Аружан Алдажарова туралы жазған едік. Түлек оқуға түсу үшін халықаралық емтихандар тапсырған.

Тағы бір оқиға - мамырда Калифорния технологиялық институтына оқуға түскен, ал жазда Халықаралық физика олимпиадасында алтын иеленген 18 жастағы Әмірбек Азатбеков туралы. Әмірбектің айтуынша, бұл нәтиже оның ғана емес, ата-анасының, мұғалімдері мен жаттықтырушыларының еңбегі.

Google News арқылы жаңалықтарымызды қадағалаңыз