Жылына мыңнан аса сайлау өтеді: ірі науқандар жоқ кезде ОСК немен айналысады?

Елімізде жыл сайын жергілікті деңгейде жүздеген сайлау өтеді. Оларда кімдер сайланады, былтыр мұндай сайлаудың қаншасы өтті, жалпыреспубликалық сайлау мен референдум жоқ кезде Орталық сайлау комиссиясы немен айналысады - бұл туралы Tengrinews.kz материалынан оқи аласыз.

Елімізде жыл сайын жергілікті деңгейде жүздеген сайлау өтеді. Оларда кімдер сайланады, былтыр мұндай сайлаудың қаншасы өтті, жалпыреспубликалық сайлау мен референдум жоқ кезде Орталық сайлау комиссиясы немен айналысады - бұл туралы Tengrinews.kz материалынан оқи аласыз.

Қазақстан сайлау жүйесінің тыныс-тіршілігі

Қазақстанның Орталық сайлау комиссиясы (ОСК) - еліміздің сайлау комиссияларының біртұтас жүйесіне басшылық ететін тұрақты жұмыс істейтін мемлекеттік орган.

ОСК Президент пен Парламент депутаттарының сайлауын әзірлеу мен өткізуді ұйымдастырып қана қоймай, сонымен қатар аумақтық сайлау комиссияларының қызметін бақылайды.

Қазақстанның сайлау органдары жүйесіне тұрақты кәсіби негізде жұмыс істейтін 247 аумақтық сайлау комиссиясы кіреді. Бұл ретте ОСК:

сайлау туралы заңнаманың сақталуын бақылайды; сайлау нормаларының бірізді қолданылуын қамтамасыз етеді; аумақтық комиссияларға әдістемелік көмек көрсетеді; халықаралық байқаушылардың ұсынымдарын талдайды.

Сондай-ақ Орталық сайлау комиссиясы Қазақстан сайлаушыларының бірыңғай электрондық тізілімін жүргізеді. Мәліметтерді салыстырып тексеру әкімдіктерден алынған ақпарат негізінде жылына екі рет - 1 қаңтарға және 1 шілдеге қарай жүргізіледі.

ОБСУЖДАЕТСЯ СЕЙЧАС

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Жұмыстың жеке бағыты - сайлауды ұйымдастырушыларды оқыту. 2025 жылы ОСК 5 офлайн және 2 онлайн форматта республикалық семинарлар өткізді, оған 937 сайлау ұйымдастырушысы қатысқан.

Мыңнан астам сайлау: 2025 жылы қайда және кімдер сайланды?

Қазақстанда жалпыреспубликалық науқандар өтпейтін кезеңдердің өзінде елімізде жергілікті деңгейдегі сайлаулар өтеді.

ОСК мәліметінше, 2025 жылы 1028 сайлау өтті.

Атап айтқанда, мынадай сайлаулар ұйымдастырылды:

аудандық маңызы бар қалалардың, ауылдардың, кенттердің және ауылдық округтердің 914 әкімін сайлау; аудандар мен облыстық маңызы бар қалалардың 8 әкімін сайлау; бір мандатты округтер бойынша шығып қалған депутаттардың орнына мәслихат депутаттарының 106 сайлауы.

Мәселен, өткен жылы Қазақстанда тұңғыш рет облыстық маңызы бар қала әкімін тікелей сайлау өтті. Сайлау Семей қаласында өткен еді.

ОСК қаражатты қайда жұмсайды?

Орталық сайлау комиссиясының бюджеті "Республикалық бюджет туралы" заңмен бекітіледі. Оған мынадай шығыстар кіреді:

сайлау өткізуге; ақпараттық жүйелердің жұмыс істеуіне; ағымдағы қызметке; аумақтық сайлау комиссияларының жұмысына. Құрылтай сайлауы

Бұған дейін Құрылтай сайлауы тамыз айында өтетіні белгілі болды. Бұл туралы Президент Қасым-Жомарт Тоқаев мәлімдеді.

"Мемлекет басшысы ретінде еліміз үшін елеулі оқиғалар туралы алдын ала ақпарат беру өте маңызды деп санаймын. Конституция күшіне енген сәттен бастап бір палаталы Құрылтай сайлауын өткізу жөніндегі жарлыққа қол қоямын. Сайлау биыл тамызда өтеді. Мұны әдейі ерте айтып отырмын. Өйткені партиялардың жоспарларын айқындап, сайлау науқанына дайындық жүргізуіне жеткілікті уақыты болуы керек. Осылайша, партиялардың сайлаушылармен тиісті жұмыс жүргізуіне бес айға жуық уақыт беріледі. Құрылтай сайлауы Қазақстанның бүкіл саяси жүйесін жаппай "қайта құруға" жол ашады. Бұл ретте біз жүзеге асырып жатқан саяси және экономикалық реформалар қоғамдық сананың оң сипатта өзгеруіне әсер етуге тиіс. Мен мұның маңызы жөнінде бірнеше рет айттым", - деді Қасым-Жомарт Тоқаев.

Мемлекет басшысы Құрылтай сайлауы Қазақстанның бүкіл саяси жүйесін ауқымды "қайта құру" процесінің бастауы болатынын атап өтті.

Google News арқылы жаңалықтарымызды қадағалаңыз

Жазылу