1 шілдеден бастап Қазақстанда ипотеканы жаңа ережелер бойынша бергісі келеді

Қазақстанда ипотека беру ережелерін өзгерту жоспарланып отыр. Жаңашылдықтарды 1 шілдеден бастап енгізу көзделген. Бұл туралы Ұлттық банк төрағасы Тимур Сүлейменов мәлімдеді, деп хабарлайды TengriHome тілшісі.

Поделиться

Қазақстанда ипотека беру ережелерін өзгерту жоспарланып отыр. Жаңашылдықтарды 1 шілдеден бастап енгізу көзделген. Бұл туралы Ұлттық банк төрағасы Тимур Сүлейменов мәлімдеді, деп хабарлайды TengriHome тілшісі.

Ұлттық банкте өткен брифинг барысында журналистер ипотека беру ережелерінің шынымен өзгеретінін және нақты ненің өзгеретінін сұрады.

Сұраққа жауап бере отырып, Сүлейменов басты жаңашылдық пайыздық мөлшерлеменің бастапқы жарна көлеміне тәуелділігіне қатысты болатынын айтты.

"Қысқаша айтқанда: егер сіздің бастапқы жарнаңыз 30 пайыз және одан жоғары болса - ипотека бойынша мөлшерлеме 20 пайыздан аспауы тиіс. Егер төмен болса - онда қалған сомаға мөлшерлеме 25 пайызға дейін жетуі мүмкін", - деп түсіндірді ол.

Ұлттық банк басшысы бұл бастаманың мақсаты - қарыз алушыларды жоғарырақ бастапқы жарна құюға ынталандыру екенін атап өтті.

Ол сондай-ақ нарықтағы қазіргі жағдайды әділетсіз деп санайтынын айтты.

ОБСУЖДАЕТСЯ СЕЙЧАС

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Алматыдағы жантүршігерлік жол апатына кінәлі жүргізуші туралы не белгілі?

24 наурыз 13:04 1

"Қазір мынадай болуы мүмкін: менің бастапқы жарнам 10 пайыз, сіздікі - 30 пайыз, бірақ ипотека бойынша мөлшерлеме бірдей - 20–24 пайыз. Бұл әділетті ме? Меніңше, жоқ", - деді Сүлейменов.

Оның айтуынша, ұсынылып отырған өзгерістер бұл теңсіздікті жоюы тиіс.

"Өзгерістер күшіне енген кезде, біз бұл әділетсіздікті жоямыз: бастапқы жарна неғұрлым жоғары болса - мөлшерлеме соғұрлым төмен болады, бастапқы жарна төмен болса - мөлшерлеме жоғары болады", - деп толықтырды Ұлттық банк басшысы.

Бұған дейін Ұлттық банк төрағасы Тимур Сүлейменов Қазақстанда ипотека бойынша жылдық тиімді мөлшерлемені есептеу тәсілін өзгерту жоспарланып отырғанын мәлімдеген болатын.

Google News арқылы жаңалықтарымызды қадағалаңыз

Ипотека Несие Несиелеу баспана