100 шақырымдық шеру: Ұлттық ұлан сарбаздары жол үстінде жастармен кездесті

Қазақстан Республикасы ІІМ Ұлттық ұланы 6506 әскери бөлімінің әскери қызметшілері бригада командирінің техника және қару-жарақ жөніндегі орынбасары подполковник Идрис Чаушовтың жетекшілігімен Шымкент-Ақтас-Қазығұрт бағытында 100 километрлік шеру өткізді, – деп хабарлайды Aikyn.kz сайты.

Шеруге 1-2025 және 2-2025 шақырылымының жүргізушілері қатысып, 20-дан астам техника және шамамен 70 әскери қызметші жұмылдырылды. Жүргізушілер практикалық түрде теориялық білімдерін бекітіп, әскери техниканы басқару шеберлігін көрсетті және шеру барысында әртүрлі кедергілерді еңсеру дағдыларын игерді.

Бұл шерудің ерекшелігі – Қазығұрт ауданындағы Қаныш Сәтпаев атындағы мектеп-лицей оқушыларымен жүргізілген ақпараттық-насихат жұмысы болды. Мұнда III дәрежелі «Айбын» орденінің иегері майор Ербол Отарбаев оқушыларға әскери қызмет, ҚР Ұлттық ұланы Академиясына түсу мүмкіндіктері және кәсіби өсу жолдары туралы айтып берді.

— «Бұл жолы біз шеруді кәсіби бағдарлау жұмысымен үйлестіруді шештік. Шеру барысында оқушылармен кездестік, оларға қызмет, түсу шарттары және оқу процесі туралы ақпарат бердік. Бұл жасөспірімдерге бар ақпаратты тікелей көзбен көруге және әскери мамандық олардың болашағына сай келе ме екенін түсінуге мүмкіндік береді», — деді майор Ербол Отарбаев.

Айта кету керек, шеру тек практикалық дайындықтың маңызды кезеңі ғана емес, сонымен қатар жастармен ашық диалогқа мүмкіндік берді. Ұландықтар өз дағдыларын көрсетті және бір мезгілде оқушыларға қызметпен жақынырақ танысуға және болашақ мамандықты таңдауға ой салуға көмектесті.