Мәжіліс депутаттары Ұлттық ұлан сарбаздарымен кездесті

Астана қаласының қоғамдық тәртібі мен тыныштығын күзеткен ҚР ІІМ Ұлттық ұланының 5573 әскери бөліміне Мәжіліс депутаттары арнайы келді. Делегация құрамында Мәжілістің Халықаралық істер, қорғаныс және қауіпсіздік комитетінің мүшелері депутаттар Дәулет Тұрлыханов, Болат Керімбек және Ардақ Назаров болды. Іс-шараға АМANAT партиясының Астана қалалық филиалының қызметкерлері мен жергілікті атқарушы орган өкілдері де қатысты, деп хабарлайды Egemen.kz.

Әскери бөлімнің командирі полковник Жандар Әшірбеков құрметті қонақтарды бригаданың атқаратын қызметі, міндеттері және инфрақұрылымдық жағдайымен таныстырды. Депутаттар назарына қолданыстағы әскери техникалар мен қару-жарақ көрмелері ұсынылды. Сондай-ақ командир сарбаздардың 2025 жылы жауынгерлік қызмет барысында қол жеткізген нәтижелері жайында баяндады.

Халық қалаулылары сарбаздардың әскери киіммен қамтылу деңгейіне және сапасына баса назар аударды. Жеке құраммен кездесуде депутаттар Парламент қабырғасында қолға алған заң жобалары жайлы айтты.

- Былтыр әскери қызметшілерге қатысты бірнеше заң жобасын қарастырдық. Мысалы, мектептегі Алғашқы әскери дайындық пәнін күшейтуге ден қойылды. Бұл әскерге баратын жастардың қызығушылығын арттыруды көздейді. Сондай-ақ екі жылдан бері жауынгерлер арасында өзін көрсете білген сарбаздарға Білім министрлігі арқылы жылына 3 мыңға жуық оқу гранты беріліп келеді. Бұдан бөлек банк алдында берешегі бар әскерге шақырылушылар қызметі аяқталғанша несие төлеуді тоқтата алады, - деді депутат Болат Керімбек.

Сонымен қатар депутаттар әскери қызметшілердің талап-тілектеріне құлақ асып, алдағы жоспарларымен бөлісті.
Кездесуге Алматыдан әнші Медеу Арынбаев арнайы келді. Ол депутаттардың ұсынысымен әскери қызметшілерге патриоттық тақырыптағы әндерін орындап берді.

Айта кетейік, өткен жылы 5573 әскери бөлімінің сарбаздары жауынгерлік қызмет барысында елорда көшелерінен есірткіге қатысы бар 56 адамды, денсаулыққа қасақана зиян тигізген 1 азаматты ұстады және 3 ұрлық фактісін анықтады.

Соңғы жаңалықтар

Инфекциялық аурулардың ұлттық ғылыми орталығы ашылды

Қоғам • Бүгін, 16:03

Мергендеріміз Азия додасында 5 медаль жеңіп алды

Спорт • Бүгін, 15:50

Саябақта құстарды тамақтандырғандар жауапкершілікке тартыла ма?

Заң • Бүгін, 15:48

Атырау әуежайындағы ұшу-қону жолағына 23 тоннадан астам ерітінді себілді

Аймақтар • Бүгін, 15:35

Ертіс ауылындағы өрттен зардап шеккен отбасыға пәтер берілді

Оқиға • Бүгін, 15:30

Дінмұхамед Қонаевтың қарындасы Рауза Қонаева дүниеден озды

Оқиға • Бүгін, 15:18

Жас қыздың өлімі: Шымкентте полиция қызметкерлеріне қатысты қызметтік тексеру тағайындалды

Заң • Бүгін, 15:03

Елордалық оқушы әлемнің 10 жетекші университетінен шақырту алды

Білім • Бүгін, 15:01

Астанада бір жылда теміржол аумағында 77 адам зардап шекті

Оқиға • Бүгін, 14:55

Аустралияда балалар 16-ға толғанша әлеуметтік желіні қолдана алмайды

Әлем • Бүгін, 14:54

Елімізде тарифтік жүк айналымы 10%-ға артты

Президент • Бүгін, 14:50

Қостанай облысында 44 жолаушы жылу пунктіне жеткізілді

Аймақтар • Бүгін, 14:44

Жамбыл облысында көлік қозғалысына шектеу қойылды

Аймақтар • Бүгін, 14:41

Алматыда автобус жүргізушілеріне арналған демалу бөлмелері салынады

Аймақтар • Бүгін, 14:32

«Парыз – 2026» байқауына өтінім қабылдау басталды

Бизнес • Бүгін, 14:25

Барлық жаңалықтар