Менің өткен өмірім жоқ... : Дариға Бадықова жан сырын ақтарды (видео)

Актриса Дариға Бадықова әлеуметтік желідегі жазба жариялады, – деп жазды Aikyn.kz.

Өнер иесі өткенмен өмір сүргісі келмейтінін айтты. Ол тек қана алға жылжып, бақытты күндердің келетініне сенгенін және сол күн туғанын жеткізді. 

Сонымен қатар үйлену тойында өзіне ән арнаған жолдасы, актер Олжас Абайға алғыс білдірді.

«Мен өткен өмірімді жария етпесем де, өткенім туралы ән айтпасам да, басымнан өткен тағдырымды киноға айналдырмасам да, өз тарихым бар!Мен өткеніммен өмір сүргім келмейді. Мен тек алға жылжуды таңдадым. Жақсы күндердің келетініне сендім. Бақыттың да, махаббаттың да, ғажайып сәттердің де маған бұйыратынына сендім. Сол сенімімнің сыйындай болып, өміріме осындай ғажап күн келді. Сол күннің құрметіне маған ән арналды. Бұл ән – бүгінімнің бақыты. Бұл ән – жараланған жүректің зары емес, қайта бақытқа сенген жүректің жеңісі. Менің өткен өмірім жоқ. Менің тек бүгінім мен келешегім бар! Өйткені мен өткенімді әңгіме етуді емес, болашағымды әдемі етуді таңдаған әйелмін. Осындай әнге рақмет, Шампон!» – деп жазды актриса.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.