19 жастағы футболшы Диас Төлеудің қазасы: оқиғаны тергеуге арнайы комиссия құрылады

Кеше матч уақытында "Хан Тәңірі" футбол клубының ойыншысы Диас Төлеу қайтыс болды, - деп хабарлайды Tengrinews.kz тілшісі.

Кеше матч уақытында "Хан Тәңірі" футбол клубының ойыншысы Диас Төлеу қайтыс болды, - деп хабарлайды Tengrinews.kz тілшісі.

Оқиға "Хан Тәңірі" мен "Екібастұз" арасындағы ойынның 64-минутында болған. Оның жағдайы ойын кезінде күрт нашарлаған. "Хан Тәңірі" клубының шабуылшысын алаңнан зембілмен алып шыққан. Кейін Диас Төлеу қайтыс болғаны хабарланды.

Қазақстан футбол федерациясы құзыретті органдармен бірге болған оқиғаны тергеу үшін арнайы комиссия құрылатынын мәлімдеді. ҚФФ басшылығы қайғылы оқиғаның мән-жайын анықтау үшін Алматыға ұшып шықты. Әзірге қайғылы оқиғаның ресми себебі аталмады.

ҚФФ мәліметінше, Диас жасына қарамастан футболға деген құштарлығымен, талантымен ерекшеленген. Ол - "Қайрат" академиясының түлегі. Диас 2006 жылы 4 мамырда дүниеге келген. "Хан Тәңірі" құрамына 2024 жылғы сәуірде өткен.

Бірінші лига маусымында 18 матчқа қатысты. "Қайратта" 15-ке жуық матч өткізіп, өз есебіне 3 гол және 2 пас жазды.

"Хан Тәңірі" ФК ақпаратына сүйенсек, ойыншыға дереу алғашқы медициналық көмек көрсетілген.

"Оқиға матч кезінде болған. Стадионда жедел жәрдем бригадасы кезекшілік етті. Ойыншыға дереу алғашқы медициналық көмек көрсетілді. Жедел жәрдем Диасты төрт минут ішінде ауруханаға жеткізді, бірақ дәрігерлердің күш-жігеріне қарамастан, оны құтқару мүмкін болмады", - деп жазылған клуб мәлімдемесінде.

Клуб марқұмның жақындарына көңіл айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!