2026: Жаңа жылға болжам жасалды

Жылан жылын артқа тастап, жылқы жылына қадам бастық. Жұртшылық жаңа жылды әрдайым үмітпен қарсы алады. 

Көпшілік үшін бұл – жаңа бастамаға жол ашатын, болашаққа сенім ұялататын ерекше кезең. Ендеше, 2026 жыл елге қандай өзгеріс алып келуі мүмкін? Алдағы жылға қатысты болжам қандай? 

Жылқы жылынан бірі қауіптенсе, енді бірі «береке келді» деп қуанады. Тарихшылардың сөзіне сүйенсек, ол Шыңғыс ханның Орта Азияға жорығымен тұспа-тұс келеді. Бұдан бөлек, байырғы жұрт сауда немесе көші-қон секілді істерді дәл осы жылқы жылына жоспарлаған екен. Осылайша, жылқы жылы тарихта қозғалыс пен жаңашылдыққа толы кезең ретінде есте қалған.

Тұрсынхан Зәкенұлы, тарих ғылымдарының докторы:

- Жылқы жылынан жақсылық күткен қазағымыз. Қазақта мақал бар: жылқы жылы алдыңда деген. Ол екі түрлі мағынада айтылған деп ойлаймын. Өзгерістерге толы болуы мүмкін. Жаңалықтар, жақсылықтар болуы мүмкін. Сондықтан қашан да жақсылықтан үміттенеміз.

Сандардың сырын шертетін мамандар 2026-шы жылға өз болжамын жасаған. Жадыра Каладинованың айтуынша, бұл «отты жылан жылы» екен. Яғни азаматтар үшін өте қолайлы кезең болмақ. 

Ал сандардың сырын шертетін нумерологтар 2025-ші жылға өз болжамын жасаған. Жадыра Каладинованың айтуынша, бұ жыл жай жылан емес, Шығыс күнтізбесі бойынша «жасыл ағаш жыланы» екен. Демек ол еліміз үшін ауқымды жобаларға жол бастайды. Ал экономикалық тұста Қазақстан бір қалыпта болмақ.

Жадыра Каладинова, нумеролог:

- Жаңадан жоспар құратын емес, бұрын құрған жоспарларды іске асырып, жабу кезеңі болды. Көптеген қарым-қатынас жабылған болуы мүмкін, жобалар, көптеген қарыздар деген сияқты. Соларды жауып, 2026-шы жылы Отты жылқы жылына кіру керек болатын. 2026 жылдың энергиясы бастама, жаңа кезең жылы. Нумерология бойынша 1 санын көрсетеді. Бұл үлкен 9 жылдық кезеңнің басталуы. 

Демек нумерология бойынша азаматтар үшін қолайлы кезең басталады. Отты жылқы жылы ауқымды жобаларға бастап, мол табысқа кенелетін шақ. Кәсіп бастаймын деушілерге жол ашық. Баспана немесе автокөлік алатындардың саудасы берекелі болады. «Ал өмірлік серігін іздеп жүргендер жаңа жылда жарын кездестіруі әбден мүмкін», - дейді Жадыра Каладинова.

Жадыра Каладинова, нумеролог:

- Басты керек нәрсе ол –  төзімділік, мықтылық және жылдамдық. Өйткені жылқы жылдамдықты жақсы көреді. Жылдамдық дегеніміз әр нәрсеге тез ауысу, уақытылы ауыса білу керек. Соны жасай білген көптеген азаматта өмірлік сфераларында өзгеріс пайда болады. Десе де егер өте қатып қалған тұйық адам болсаңыз, бұл жыл қиын болуы мүмкін. Себебі жылқы үйір болып жүретін мал ғой, сондықтан серігіңіз немесе коллективте өзіңіздің орныңызды тауып, басқа адамдар арқылы өсуге болатын жыл.

Қалай болғанымен, жылқы жылының жұртшылыққа берер сыйы мол. Бастысы – мүмкіндікті жіберіп алмай, әрекет ету керек.

Авторлары: Альмира Оразбай, Руслан Алиев