2027 жылдан бастап мүлік салығын қалай төлеу керек?

Қазақстанда жеке тұлғалардың мүлік салығын төлеу жүйесі өзгереді.
Ең басты өзгеріс қымбат жылжымайтын мүлік иелеріне және бірнеше нысаны бар азаматтарға қатысты болмақ, деп хабарлайды LS. Егер барлық мүліктің жалпы құны 450 млн теңгеге дейін болса – салық бұрынғыдай әр нысанға жеке есептеледі. 

Егер жалпы құн 450 млн теңгеден асса – салық барлық нысандардың жиынтық құнына қарай есептеледі. Қымбат мүлік иелеріне арналған прогрессивті шкала енгізіледі:

2 946 600 теңге көлемінде тұрақты төлем;

450 млн теңгеден асқан бөлігіне 2% қосымша салық.

Сонымен қатар, маслихаттарға тұрғын үй салығының мөлшерлемесін 50%-ға дейін арттыру құқығы беріледі. Бұл шешім әр жылдың 1 желтоқсанына дейін қабылданса, келесі есептік кезеңнен бастап күшіне енеді.

Жаңа ереже «сән-салтанат салығын» енгізуге бағытталған және халықтың аз ғана бөлігін – активтері орта деңгейден жоғары азаматтарды қамтиды.