7 20 25 бағдарламасына өтінім қабылдау басталды: Қай уақытқа дейін үлгеру қажет?

1 сәуірден бастап Қазақстанда жеңілдетілген «7-20-25» ипотекалық бағдарламасының кезекті кезеңі іске қосылды. Екінші тоқсанға арналған қаржыландыру лимиті 25 млрд теңге көлемінде белгіленді, деп хабарлайды Egemen.kz.

Бұл – халыққа қолжетімді баспана алуға мүмкіндік беретін мемлекеттік бағдарлама. Оның басты ерекшелігі – жылдық мөлшерлемесі небәрі 7%. Бағдарламаға еліміздің барлық азаматтары қатыса алады. Алайда қарыз алушының және оның жұбайының соңғы 18 ай ішінде тұрғын үйі болмауы керек.

Олжас Бектенов коммерциялық ипотека көлемін арттыруды тапсырды

Жалпы алғанда, жыл сайын бағдарламаға 100 млрд теңге бөлінеді. Бұл қаржыға шамамен 5,5 мыңға жуық ипотекалық несие рәсімделеді.

Бағдарламаның негізгі шарттары:

– пайыздық мөлшерлеме – 7%;
– бастапқы жарна – кемінде 20%;
– несие мерзімі – 25 жылға дейін;
– қарыздың ең жоғары сомасы:

30 млн теңгеге дейін Астана, Алматы қалалары мен олардың жанында орналасқан аймақтардан, сондай-ақ Ақтау, Атырау, Шымкент қалаларынан үй алуға болады;
25 млн теңгеге дейін Қарағанды қаласынан рәсімдей аласыз;
20 млн теңгеге дейін басқа өңірлерден қарастыруға болады.

Бағдарлама аясында тек жаңа салынған тұрғын үй сатып алынады. Яғни, пәтерді құрылыс компанияларынан өз бетіңізше іздеу қажет. Сонымен қатар, үй толық пайдалануға берілген болуы тиіс. Құрылысы жүріп жатқан немесе екінші нарықтағы баспанаға бұл ипотека берілмейді.

Қандай банктер қатысады:

Бағдарлама бойынша ипотеканы тек 7 банк ұсынады:
Halyk Bank,
Банк ЦентрКредит,
Freedom Bank Қазақстан,
Еуразиялық банк,
Bank RBK,
ForteBank,
Altyn Bank.

Ал «Отбасы банк» бұл бағдарламаға қатыспайды.

Өтінім беру тәртібі

Ипотекаға өтінішті азаматтар өздері береді. Көптеген банктерде алдын ала өтінімді сайт немесе мобильді қосымша арқылы онлайн жолдауға болады. Бұл кезде нақты таңдалған пәтердің кадастрлық нөмірі мен құрылыс компаниясының БСН-ін көрсету қажет.

Негізгі өтінім, әдетте, банк бөлімшесінде рәсімделеді. Бірақ мұнда бір тәуекел бар: алдын ала және негізгі өтінімнің арасында бірнеше ай өтуі мүмкін. Осы уақыт ішінде таңдалған пәтер сатылып кетсе, өтінімді қайта тапсыруға тура келеді.

Ипотеканы қалай тиімді төлеуге болады?

Неліктен өтінімдер шектеулі қабылданады?

Бағдарламаның тағы бір ерекшелігі – банктерге алдын ала қаржы бөлінбейді. Олар ипотеканы өз қаражаты есебінен береді, кейін «Қазақстанның орнықтылық қоры» белгіленген лимит шегінде сол несиелерді сатып алады.

Сондықтан банктер лимиттен асып кетпеуге тырысады. Бұл өз кезегінде өтінім қабылдаудың шектелуіне әсер етеді.

2026 жылдың қаңтарынан 26 наурызына дейін ел бойынша 1202 ипотекалық қарыз беріліп, жалпы сомасы 24 млрд теңгені құраған.

Ең көп несие берілген қалалар:
– Астана – 467;
– Алматы – 331;
– Шымкент – 190.

Жаңа жеңілдетілген ипотека кімдерге беріледі?

Ал Солтүстік Қазақстан, Павлодар, Қызылорда және Маңғыстау облыстарында небәрі 1-3 қарыздан ғана рәсімделген.

Соңғы жаңалықтар

Қызылордада құрғақ шөп өртенді: Үйлер мен ғимараттарға қауіп төніп тұр

Оқиға • Кеше

Қазақстан мен Украина телефон алаяқтарына қарсы бірлескен операция жүргізді

Қоғам • Кеше

FlyArystan әуе компаниясы Дубайға рейстерді мамырдың ортасына дейін тоқтатты

Қоғам • Кеше

Ақмола облысында әйелді азаптап өлтірген ер адам 24 жылдан кейін сотталды

Оқиға • Кеше

Ертең еліміздің 13 өңірінде дауылды ескерту жарияланды

Ауа райы • Кеше

Үй иесінің құқығы сөзсіз басымдыққа ие: Сарапшы жаңа Конституцияның 28-ші бабын талдап берді

Ата заң • Кеше

Алматы зообағында дүниеге келген амур жолбарыстарына есім берілді

Жануарлар • Кеше

Маңғыстауда жанармай бекетінде жарылыс болып, жұмысшыны күйік шалды

Оқиға • Кеше

15 жастағы қазақ баласы «Барселонамен» келісімшартқа отырды

Футбол • Кеше

2026 жылдың басынан бері Атырауда 31 көлік өртенді

Оқиға • Кеше

Абай облысында адам саудасымен айналысқан көпбалалы ана сотталды

Оқиға • Кеше

ЖИ көмегімен жаңарған мұра: Ежелгі петроглифтер көрмеге қойылады

Көрме • Кеше

Қазақстанда су үнемдеу технологияларын енгізу қарқыны 5 есе артты

Қоғам • Кеше

«Шәмші әлемі»: Астанада композитор құрметіне музыкалық инсталляция орнатылды

Елорда • Кеше

Бүгін NASA 54 жылдан кейін Айға алғашқы экипажын ұшырады

Оқиға • Кеше

Барлық жаңалықтар