75 тің ісі : Прокурорлар Қамшыбек Ташиевке 9 жылға бас бостандығынан айыру жазасын сұрады

Фото: 24.kg

Іс бойынша айыпталушылар қатарында бұрынғы Бас прокурор Құрманқұл Зұлушев, экс-парламент төрағасы Нұрланбек Тұрғынбекуулу пен өзге де тұлғалар бар.

Жергілікті БАҚ-тың мәліметінше, сот жарыссөзі барысында мемлекеттік айыптаушылар барлық айыпталушыға 9 жылдан бас бостандығынан айыру жазасын тағайындауды сұраған.

Адвокат Икрамидин Айтқұловтың айтуынша, сот отырысында Камчыбек Ташиев мемлекеттік айыптаушыларға өзіне тағылған айыптан бас тартуды ұсынған. Бұл бастаманы қорғаушылар қолдағанымен, прокуратура өкілдері әзірге ешқандай жауап бермеген.

Қырғызстандағы билікті басып алу әрекеті: Сотта Тәшиев пен депутат сөзге келіп қалды

Айта кетейік, Қамшыбек Тәшиевке Қырғыз Республикасы Қылмыстық кодексінің «Билікті күшпен басып алу немесе ұстап тұру, сондай-ақ конституциялық құрылысты күшпен өзгертуге бағытталған әрекеттер» және «Қызметтік өкілеттігін асыра пайдалану» баптары бойынша айып тағылған.

Бұған дейін атап өткендей, Қырғызстан медиасы бұл тергеуді «75 адамның хаты» деген оқиғамен байланыстырады. Ақпанда 75 азамат президент Садыр Жапаров пен парламент спикері Нұрланбек Тұрғынбекұлына ашық үндеу жолдап, елде мерзімінен бұрын президент сайлауын өткізуді талап еткен.

Осыдан кейін, 10 ақпанда Садыр Жапаров өзінің ұзақ жылдар бойғы серіктесі болған Қамшыбек Тәшиевті қызметінен босатты.