ӘЧ 2026: FIFA алғаш рет қызыл қағаз алған футболшыны жазадан босатты

Әңгіме АҚШ құрамасының шабуылшысы Фоларин Балогун туралы болып отыр. Ол Босния және Герцеговинаға қарсы матчта алаңнан қуылған болатын.

FIFA бұл шешім ұйымның Тәртіп кодексінің 27-бабына сәйкес қабылданғанын мәлімдеді. Аталған бап ерекше жағдайларда тәртіптік жазаның күшін уақытша тоқтатуға мүмкіндік береді. Сонымен қатар футболшы алған қызыл қағаз оның тәртіптік тарихында сақталады.

The Guardian басылымының мәліметінше, мұндай шешім қабылданар алдында АҚШ президенті Дональд Трамп FIFA басшылығына бірнеше мәрте жүгінген. Басылым дерегіне сүйенсек, ол Балогунның дисквалификациясын алып тастауды сұрап, федерация өкілдерімен үш рет байланысқа шыққан. Шешім жарияланғаннан кейін Трамп FIFA-ға алғыс айтып, ұйымның «үлкен әділетсіздікті түзеткенін» мәлімдеді.

Ал Бельгия Корольдік футбол қауымдастығы бұл шешімді сынға алып, оның қолданыстағы ережелерге қайшы келетінін мәлімдеді. Ұйым өкілдері алдағы іс-қимылдың ықтимал нұсқаларын қарастырып жатқанын хабарлады.

Бельгия құрамасының бас бапкері Руди Гарсия бұл жағдайды «1 сәуірдегі әзілге» теңеді.

Өз кезегінде АҚШ құрамасының бас бапкері Маурисио Почеттино FIFA шешімін қолдап, Балогунға көрсетілген қызыл қағаз бастапқыда тым қатаң жаза болғанын айтты.