Трамп АҚШ басып алған Маринера танкерінің экипажындағы ресейліктерді босатты

АСТАНА, 9 қаңтар – Sputnik. РФ Сыртқы істер министрлігінің ресми өкілі Мария Захарова Солтүстік Атлантика суларында "Маринера" танкерін басып алу кезінде АҚШ ұстаған екі Ресей азаматының босатылғанын хабарлады.

"Біздің өтінішімізге жауап ретінде АҚШ президенті Дональд Трамп бұған дейін Солтүстік Атлантикадағы операция барысында америкалық тарап ұстаған "Маринера" танкері экипажының құрамындағы екі Ресей азаматын босату туралы шешім қабылдады. Біз бұл шешімді құптаймыз және АҚШ басшылығына ризашылық білдіреміз", — деді Захарова.

Оның айтуынша, ресейліктерді мүмкіндігінше тезірек елге қайтару үшін барлық мәселе жедел түрде пысықталып жатыр.

7 қаңтарда АҚШ Қарулы күштерінің Еуропалық қолбасшылығы санкциялық режимді бұзғаны үшін ресейлік "Маринера" мұнай танкерін ұстағанын хабарлаған болатын.