Адал еңбекке лайықты құрмет

Халықаралық әйелдер күні қар­саңында Премьер-министрдің орынбасары – Мәдениет және ақпарат министрі Аида Балаева Мемлекет басшысының атынан түрлі салада еңбек етіп жүрген әйелдерге мемлекеттік награда табыстады. Президент Қасым-Жомарт Тоқаевтың Жар­лы­ғымен ғылым, мәдениет, ақпа­рат, архив және музей ісі салалары­ның, сондай-ақ қоғамдық инсти­тут­тардың өкілдері елдің дамуына қосқан елеулі үлесі үшін жоғары наградалармен марапатталды.

Салтанатты іс-шарада Аида Балаева мерекенің айрықша маңызын атап өтіп, мұндай марапаттар әйелдердің ерен еңбегіне, олардың кәсіби жауапкершілігі мен өз ісіне деген адалдығына көрсетілген лайықты құрмет екенін айтты.

«Президент Қасым-Жомарт Тоқаев ел ал­дындағы елеулі еңбектеріңізді жоға­ры бағалап, сіздерді марапаттау туралы Жарлыққа қол қойды. Бұл мемлекет әйелдердің қоғамдағы рөлін, олардың отбасы құндылықтарын нығайтуға, түрлі сала­­ның дамуына қосқан үлесін әр­дайым жоғары бағалайтынының айғағы деп бі­лемін. Марапат сіздердің жеке жетіс­тік­тері­ңіз ғана емес, отбасыларыңыздың, бала­лары­ңыздың, ата-аналарыңыздың, әріп­­тес­теріңіз, өздеріңізбен бірге осы жол­да келе жатқан ұжымдарыңыздың ортақ ең­бегіне көрсетілген құрмет», деді Аида Балаева.

Үкімет басшысының орынбасары әйелдер қай кезде де қоғамда айрықша жасампаз рөл атқарып келе жатқанын атап өтті. Оның айтуынша, жауапкерші­лігі, іске деген ұқыптылығы, шынайы жанашырлығының арқасында әйел­дер кәсіби қызметте жоғары нәтиже­лерге қол жеткізіп, мәдени әрі рухани құн­дылықтарды сақтауға, қоғамдық инс­титуттарды нығайтуға және мемлекеттің дамуына елеулі үлес қосып келеді.

Мерекелік жиында «Құрмет» ордені­мен Ш.Уәлиханов атындағы Тарих және этнология институтының бөлім бас­шысы Бақытжамал Айтмұхамбетова, Т.Шев­ченко атындағы мемориалдық музейдің қор сақтау және бұқаралық-экскурсия­лық жұмыс бөлімінің меңгерушісі Айгүл Балабаева, сондай-ақ Семей қаласындағы Ф.Достоевскийдің әдеби-мемориалдық музейінің бас қор сақтаушысы Татьяна Титаева марапатталды.

«Ерен еңбегі үшін» медалімен Орта­лық мемлекеттік ғылыми-техни­калық құжаттама архивінің директоры Баян Жұматаева, Конфессияаралық және дінаралық диалогті дамыту жөніндегі халықаралық орталықтың бас эконо­мисі Раушан Имантаева, Батыс Қазақ­стан облыстық тарихи-өлкетану музейі жанындағы А.Пушкин музей үйінің меңгерушісі Асылжан Мырзаболатова, Ұлттық банк Қолма-қол ақша айналысы департаменті банкноттар мен монеталар дизайны басқармасының бас маманы-дизайнері Жанна Нүгербек, сондай-ақ «Хабар» телеарнасы «7 күн» бағдарламасы орыс редакциясының редактор-талдаушысы Алма Оразбаева марапатталды. 

Соңғы жаңалықтар

«Атырау» футбол клубына жаңа бас бапкер келді

Футбол • Бүгін, 11:44

Еліміздің екі қаласында ауа сапасы нашарлайды

Қазақстан • Бүгін, 11:30

Италияда XIV қысқы Паралимпиада ойындары басталды

Спорт • Бүгін, 10:27

7 наурызда ақша айырбастау орындарында доллар бағамы қандай?

Қаржы • Бүгін, 10:10

Айнагүл Байжігітова: Алдыңа мақсат қойсаң, алынбайтын қамал жоқ

Сұхбат • Бүгін, 09:40

Нәзік иықтағы ауыр жүк

Әйел әлемі • Бүгін, 09:35

Арманына жеткен ару

Әйел әлемі • Бүгін, 09:30

Талапкерге қанат бітірген

Әйел әлемі • Бүгін, 09:25

Мейрам қарсаңындағы марапат

Тағзым • Бүгін, 09:20

Топырақ құнарын зерделеген ғалым

Ғылым • Бүгін, 09:15

Ел анасы, ерте оянған санасы...

Әйел әлемі • Бүгін, 09:10

Қазақ әйелдерінің шежіресі

Тарих • Бүгін, 09:05

Шаршы тақтаның шаһбазы

Шахмат • Бүгін, 09:00

Ауылдан шыққан әлем чемпионы

Спорт • Бүгін, 08:55

Шекісудің де қайыры бар

Спорт • Бүгін, 08:50

Барлық жаңалықтар