Қалтқысыз қызметке лайықты құрмет

Аудан әкімінің орынбасары Найман Кенжеханұлы сала мамандарын кәсіби мерекемен құттықтап, дәрігерлердің қоғамдағы рөліне ерекше тоқталды. Ол жергілікті атқарушы билік тарапынан денсаулық сақтау саласына көрсетіліп отырған қолдау алдағы уақытта да жалғасатынын атап өтті.

– Мемлекет басшысы медицина маман­дарының еңбегін қолдауға айрықша көңіл бөліп келеді. Соған сәйкес өңірімізде де медицина саласы жыл сайын дамып отыр. Кейінгі жылдары ауданда бірқатар медициналық нысан жаңартылып, материалдық-техни­ка­лық базасы нығайтылды. Бүгінде бас­ты мақсат – аурудың алдын алу, алғашқы меди­ци­налық көмектің қолжетімділігін арттыру және скринингтік тексерулер арқылы тұр­ғындардың өмір сапасын жақсарту. Бұл бағыт­та ауқымды жұмыстар атқарылуда. Сол се­бепті сіздердің еңбектеріңіз әрдайым жоғары бағаланады, – деді аудан әкімінің орынбасары.

Салтанатты жиын барысында денсаулық сақ­тау саласында ұзақ жылдар бойы абырой­лы ең­бек етіп келе жатқан адам өмірінің ара­ша­­­шы­лары­на Алғысхаттар мен бағалы сый­лық­­тар та­быс­тал­ды. Олардың қатарында тә­жі­­­ри­­­бе­лі дәрі­герлер­мен бірге жас мамандар да бар.

Іс-шарада сөз сөйлеген аудандық мәс­ли­хат­тың төрағасы Жасұлан Әлкенұлы да медици­на қызметкерлерінің еңбегін ерекше атап өтіп, олардың қоғамдағы маңызын жоға­ры бағалады.

Мерекелік басқосу соңында сала ма­ман­­дары мемлекет тарапынан көрсетіліп отыр­­ған қол­дауға ризашылықтарын білдіріп, жер­­гілік­ті би­лік өкілдеріне алғыстарын жеткізді.

Осыған ұқсас мерекелік іс-шара Мойынқұм ауданында да ұйымдастырылды. Мұнда да өз ісінің білікті мамандары түрлі деңгейдегі Алғысхат­тармен және сыйлықтармен марапатталды. Жиын жергілікті өнерпаздардың мере­келік концертіне ұласып, сән-салтанатпен түйінделді.

Жамбыл облысы