Александр Лукашенко: Беларусь Өзбекстандағы АЭС құрылысына жәрдемдесуге дайын

Кездесуде тараптар екіжақты ынтымақтастықтың басым бағыттарын талқылап, атом энергетикасы саласындағы ынтымақтастыққа тоқталды. Беларусь президенті жинақталған тәжірибе негізінде технологиялармен бөлісіп, кадр даярлауға жәрдемдесуге ниетті екенін айтты.

— Біз Ресеймен серіктестікте АЭС салу жұмыстарына қатысып жүрміз. Егер біздің тәжірибеге қызығушылық танытсаңыздар, онда кез келген уақытта келіңіздер. Біздің қызметкерлер өзбек тарапының мамандарымен сөйлуге дайын. Біз АЭС құрылысына жәрдемдесеміз, - деді Александр Лукашенко.

Беларусь АЭС-ті жобалаудан бастап, энергия блоктарын пайдалануға бергенге дейінгі кезеңдердің барлығында көмек көрсетуге әзір. Минскінің қолдауы Орталық Азиядағы алғашқы АЭС-ті құру процесін жеделдетуге ықпал етпек.

Еске салайық, Өзбекстанда салынып жатқан АЭС Жизақ, Самарқанд және Науаи облыстарын электр энергиясымен қамтамасыз етпек.

Сондай-ақ таяуда Өзбекстанда атом электр станциясы құрылысының бірінші кезеңі басталғанын жазып едік.

23 желтоқсанда Өзбекстанда АЭС құрылысы бойынша қоғамдық тыңдау өтті.