Алматы әуежайы 2050 жылға қарай 55 млн жолаушы қабылдай алады

АСТАНА, 3 қараша – Sputnik. Алматы әуежайы 2050 жылға қарай 55 миллион жолаушыны қабылдай алады.

Әуежай басшылығының мәліметі бойынша, жаңғыртудан кейін нысанда үш ұшу-қону жолағы, айналма жол, жүк перроны және жылына 500 мың тонна жүк сақтай алатын қойма пайда болады.

TAV Airports Holding компаниясы ішкі терминалды қайта құруда және 260 миллион доллар инвестициялай отырып, мұзға қарсы технологиясы бар заманауи платформа орнатып жатыр.

Қазіргі уақытта Алматы әуежайы жылына 12 миллионнан астам жолаушыны қабылдайды және Қазақстанның әуе тасымалының шамамен 70%-ын құрайды.