Алматы облысында орташа жылдамдық камералары орнатылды

Полиция мәліметінше, орташа жылдамдықты бақылау жүйесі әзірге Үлкен Алматы айналма автомобиль жолында енгізілген. Алдағы уақытта өңірдің барлық бағыттарында енгізіліп, кезең-кезеңімен кеңейтілмек. Жақын уақытта жол қозғалысы қағидаларын бұзған жүргізушілер жауапкершілікке тартылатын болады.

– Жаңа жүйе камера орнатылған нақты орынға қарамастан, жолдың кез келген учаскесінде жылдамдық режимін бұзу деректерін анықтауға мүмкіндік береді. Енді белгіленген жылдамдықты асырған әрбір жүргізуші автоматты түрде тіркеліп, заңнамаға сәйкес жауапкершілікке тартылады, - деп хабарлады департаменттен.

Еске сала кетейік, бұған дейін былтыр орташа жылдамдықты есептеу тәсілі көлік апаттарының санын 10 пайызға азайтқанын хабарлаған едік.