Алматы облысының ауылында тыйым салынған Хизб ут Тахрир ұяшығы әшкереленді

Алматы облысы Еңбекшіқазақ ауданы Шелек ауылында тыйым салынған "Хизб ут-Тахрир" ұйымының қызметіне қатысы бар деген күдікке ілінген тұлғаларға қатысты жедел-профилактикалық іс-шаралар жүргізілді. Ұяшыққа 25 жергілікті тұрғын тартылған, деп хабарлайды Tengrinews.kz Алматы облысының дін істері басқармасына сілтеме жасап.

Тінту кезінде не табылды?

Полиция қызметкерлері уәкілетті органдардың үйлестіруімен күдіктілердің тұрғылықты жері бойынша санкцияланған тінту, сондай-ақ жеке тінту жұмыстарын жүргізді.

Нәтижесінде келесі заттар табылып, тәркіленді:

11 смартфон; 93 кітап; 16 брошюра; екі дәптер; діни сипаттағы жазбалары бар қойын дәптер.

Қазір тәркіленген кітаптар мен электронды материалдар зерттеліп жатыр. Сондай-ақ әрбір тұлғаның тыйым салынған ұйым қызметіне қатысу дәрежесі анықталады.

Аталған факт бойынша сотқа дейінгі тергеп-тексеру аясында қажетті тергеу және процестік әрекеттер жүргізіліп жатыр.

Құқық қорғау органдары оқиғаның барлық мән-жайын анықтап жатыр. Іс-шаралар қорытындысы бойынша қатысы бар тұлғалардың әрекетіне тиісті құқықтық баға беріледі.

Instagram-дағы бұл жарияланымды көру

Дін істері басқармасының (@dinisteri_almobl) жарияланымы

"Хизб ут-Тахрир" туралы не белгілі?

"Хизб ут-Тахрир" - "дүниежүзілік халифат" құруды мақсат еткен халықаралық діни-саяси ұйым.

Қазақстанда бұл ұйымның қызметі экстремистік деп танылып, Астана сотының 2005 жылғы 28 наурыздағы шешімімен тыйым салынған. Сондай-ақ ол Қазақстанда тыйым салынған экстремистік және террористік ұйымдардың ресми тізіміне енгізілген.

Бізді Google-дың негізгі дереккөздер тізіміне қосыңыз

Қосу