Алматыда басқарусыз қалған жүк көлігі көлікті соғып, дүңгіршекке соқтығысты

Алматыда 20 тамызда жүргізушісіз қалған жүк көлігі өздігінен қозғалып, тұрақта тұрған автокөлікті соғып, аялдамадағы дүңгіршекке соқтығысты. Алматы қалалық полиция департаменті апаттың мән-жайын айтып берді, деп хабарлайды Tengrinews.kz тілшісі.

Полиция мәліметінше, жол-көлік оқиғасы таңғы сағат 09:20 шамасында Әуезов ауданында болған.

"HOWO жүк көлігінің жүргізушісі Шаляпин көшесінде көлік құралының өздігінен қозғалып кетуіне жол бермейтін шараларды қабылдамаған. Салдарынан жүк көлігі жолдың оңтүстік жиегінде тұрған BYD маркалы автокөлікті соқты", - деп хабарлады ведомство.

Тұрақта тұрған көлікпен соқтығысқаннан кейін де жүк көлігі тоқтамай, төмен қарай домалап барып, тас қоршауды бұзып, аялдамадағы дүңгіршекке тіреліп бір-ақ тоқтаған.

Instagram-дағы бұл жарияланымды көру

Публикация от Специально для КрисПи | Основа (@kris.p.original)

"Бақытқа орай, жол-көлік оқиғасы салдарынан ешкім зардап шеккен жоқ", - деп атап өтті полициядағылар.

Қазіргі уақытта оқиғаның мән-жайын Әуезов аудандық полиция басқармасының қызметкерлері анықтап жатыр.

Google News арқылы жаңалықтарымызды қадағалаңыз