Алматыда ХҚО лардың жұмысы өзгереді

Шілдеден бастап Алматыда екі кезекші ХҚКО мен екі кезекші арнайы ХҚКО жұмыс істейді. Толық мәліметті "Азаматтарға арналған үкімет" мемлекеттік корпорациясының филиалы мәлім етті, - деп хабарлайды Tengrinews.kz.

Шілдеден бастап Алматыда екі кезекші ХҚКО мен екі кезекші арнайы ХҚКО жұмыс істейді. Толық мәліметті "Азаматтарға арналған үкімет" мемлекеттік корпорациясының филиалы мәлім етті, - деп хабарлайды Tengrinews.kz.

Алматыдағы кезекші ХҚКО-лар: Медеу аудандық ХҚКО (Марков көшесі, 44) және Жетісу аудандық ХҚКО (Серіков көшесі, 6А). Жұмыс күндері сағат 9:00-ден 20:00-ге дейін, сенбі күні 9:00-ден 13:00-ге дейін қызмет көрсетеді.

Сондай-ақ азаматтарды Аққайнар көшесі, 1 және Ақсуат көшесі, 118 мекенжайларында орналасқан екі мамандандырылған ХҚКО қабылдайды. Олар жұмыс күндері үзіліссіз сағат 9:00-ден 20:00-ге дейін ашық, бұл ретте өтініштер 18:00-ге дейін қабылданады. Сенбіде құжаттар 9:00-ден 12:00-ге дейін қабылданып, дайын құжаттар 13:00-ге дейін беріледі.

Қаланың басқа ХҚКО-лары мен мамандандырылған ХҚКО-лары жұмыс күндері сағат 9:00-ден 18:00-ге дейін ашық болады.

Сондай-ақ мемлекеттік қызметтерді "ХҚКО" мобильді қосымшасы, электрондық үкімет порталы және екінші деңгейлі банктердің қосымшалары арқылы онлайн алуға болады.