Алматыда қиылыстағы дрифт шетелдік үшін қамауға алумен аяқталды

Алматыда Ресей азаматы жолда қауіпті маневр жасағаны үшін жауапкершілікке тартылды, деп хабарлайды Tengri Auto.

Полицияның мәліметінше, жүргізуші жаяу жүргіншілер бағдаршамның рұқсат етілген түсіне жолдан өтіп бара жатқан сәтте қиылыста дрифт жасаған. Оның бұл әрекеті жол қозғалысының басқа қатысушыларының қауіпсіздігіне қатер төндірді.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Жүргізуші ереже бұзу сәті түсірілген видеоны әлеуметтік желіде өзі жариялаған. Осыдан кейін полицейлер оның жеке басын анықтап, тексеріс бастады.

Алматы полициясының мәліметінше, ер адам бірнеше заңбұзушылық, соның ішінде Жол қозғалысы ережелерін бұзғаны және ұсақ бұзақылық жасағаны үшін әкімшілік жауапкершілікке тартылды.

Іс материалдарын сот қарады. Талқылау қорытындысы бойынша жүргізушіге 20 тәулікке әкімшілік қамауға алу жазасы тағайындалды.

Google News арқылы жаңалықтарымызды қадағалаңыз