Астанада көпірдегі кептелісті айналып өтудің ерекше тәсілі қамауға алумен аяқталды

Астанада Қошқарбаев көшесіндегі көпірде жол ережесін өрескел бұзған Toyota жүргізушісі жазаланды, - деп хабарлайды Tengri Auto.

Астанада Қошқарбаев көшесіндегі көпірде жол ережесін өрескел бұзған Toyota жүргізушісі жазаланды, - деп хабарлайды Tengri Auto.

Полиция мәліметінше, 20 жастағы жүргізуші көлік ағынын бөлуге арналған қауіпсіздік кеңістігімен жүріп өткен. Ол заң бұзу дерегін телефонға түсіріп, кейін видеоны әлеуметтік желіде жариялаған.

Instagram-дағы бұл жарияланымды көру

Астана қаласының Полиция департаменті (@police__astana) жариялаған жазба

Жүргізушіге қатысты бірнеше әкімшілік хаттама толтырылды. Ол көлікті жолдың жүру бөлігінде орналастыру ережесін бұзғаны, рөлде отырып телефон пайдаланғаны, сондай-ақ ұсақ бұзақылық жасағаны үшін жауапқа тартылды.

Сот шешімімен құқық бұзушы 15 тәулікке қамауға алынды. Автокөлік коммуналдық тұраққа қойылды.

Тағы оқыңыз: “Жыл басынан бері 400 жол-көлік оқиғасы“: Астанада жаяу жүргіншілер бойынша рейд өтіп жатыр

Google News арқылы жаңалықтарымызды қадағалаңыз