Алматыда Сергек камераларының саны артады

Алматы қаласының билігі жол қозғалысын бақылау камералары қызметін көрсететін жеткізушіні ауыстырмау жөнінде шешім қабылдады. «Сергек» жүйесі қалада жыл соңына дейін жұмысын жалғастырады, деп хабарлайды Egemen.kz.

Фото: Алматы қаласы әкімдігі

Алматы мәслихатының отырысында қалалық цифрландыру басқармасы басшысының орынбасары Мейрам Дүйсеков баяндама жасады. Оның айтуынша, «Сергек» жүйесінің жеткізушісі – «Көркем Телеком» ЖШС-мен келісімшарт 2017 жылы жасалған. Мемлекет қабылдаған міндеттемелердің жалпы сомасы 9,9 млрд теңгені құрады.

Бүгінде қалада 1 641 бейнебақылау кешені жұмыс істеп тұр.

Сонымен қатар, 2025 жылы «Көркем Телеком» ЖШС-мен жасалған келісімшарттың мерзімі аяқталуы тиіс болған. Осыған байланысты өткен жылдың қазан айында қала билігі жаңа камера жеткізушісін таңдау үшін жұмыс тобын құрған. Үміткерлер қатарында Presight, Infodata, «Байланыс» және басқа да компаниялар болған. Талдау 2 ай бойы жүргізілгенімен, жұмыс тобы нақты шешімге келе алмаған. Нәтижесінде «Сергек» жүйесін 2025 жылдың 31 желтоқсанына дейін қалдыру ұсынылды.

Сондай-ақ жеке серіктес есебінен кешендер санын арттыру ұсынылды: қала қажеттіліктеріне сәйкес қосымша 350 «Сергек» аппараттық-бағдарламалық кешенін орнату жоспарланып отыр. Бұл ретте қызмет көрсету тарифтерін көтеру көзделмеген.

Алматыда «Сергек» жүйесін сақтап қалуды мәслихат депутаты Алмасхан Сматлаев қолдады.

«Бұл – қала үшін аса маңызды жоба. Кем дегенде 1 жылға ұзартуды қолдайсыздар деп үміттенемін. Болашақта серіктеске 1 жыл емес, 3-4 жылдық мерзім беру қажет деп санаймын. Кез келген бизнес ұзақ мерзімді стратегия құруға мүмкіндік алуы тиіс. Құрметті депутаттар, қолдауларыңызды сұраймын», деді ол отырыс барысында.

Нәтижесінде келісімшартты ұзартуға 29 депутат дауыс беріп, біреуі қарсы болды. Шешім «Сергек» жүйесінің пайдасына қабылданды.

Соңғы жаңалықтар

Қызылордада масаң күйде көлік басқарғандар ұсталды

Аймақтар • Бүгін, 18:20

Рамзан Қадыровтың ұлы кезекті марапатқа ие болды

Әлем • Бүгін, 18:15

Аида Балаева медиа саласындағы жылдың негізгі қорытындыларын жариялады

Қоғам • Бүгін, 18:02

Қытай мамандары қол мен аяққа арналған сезімтал протездер жасап шығарды

Ғалам ғажаптары • Бүгін, 18:00

Мектеп әкімшілігі мұғалімдерден мәжбүрлеп ақша жинағаны рас па?

Қоғам • Бүгін, 17:55

Ұлттық тауарлар каталогі: 2026 жылдан бастап тауар айналымы жаңа цифрлық тәртіпке көшеді

Қоғам • Бүгін, 17:50

Спортшыларымыз Олимпиада ойындарында 10 спорт түрінен бақ сынайды

Спорт • Бүгін, 17:47

Шығармашылық зертхана: Айтман не айтқысы келеді?

Әдебиет • Бүгін, 17:40

Қарағанды облысының жолдарында 160 полицей жұмыс істеп жатыр

Аймақтар • Бүгін, 17:35

Жаңа жылдық көңіл күй сыйлайтын үздік фильмдер

Мереке • Бүгін, 17:30

Қазір қандай кітаптар өтімді? Нон-фикшн әлде көркем проза?

Қоғам • Бүгін, 17:22

Қазақстандағы мыс жобасына ірі инвестиция тартылды

Экономика • Бүгін, 17:10

Жеке деректерді қорғау және архивтерді цифрландыру: Мемлекет басшысы архив ісі туралы заңға қол қойды

Заң • Бүгін, 16:50

«Қазақконцерт» көрерменге мерекелік концертін ұсынды

Мәдениет • Бүгін, 16:45

Қасым-Жомарт Тоқаев Владимир Путинмен телефон арқылы сөйлесті

Президент • Бүгін, 16:43

Барлық жаңалықтар