Алматыда Япурай гала хор спектаклінің тұсаукесері өтті

Елімізде алғаш рет қазақтың классикалық шығармалары мен халық әндері заманауи сипатта орындалды. 

Алматыда Абай атындағы Ұлттық опера және балет театрында Республика күніне орай «Япурай» гала хор спектаклінің тұсаукесері өтті. Онда  «Маусымжан», «Самал тау», «Ақ сиса»,  «Қарлығаш», сияқты халыққа кеңінен танымал әндер хорға лайықталып, жаңа үнге ие болды. Оған қоса сахнаның безендірілуі, музыка, жарық, дыбыс  ешкімді бей-жай қалдырмады.

Гала-хор спектакль «Япурай» композициясымен ашылды. Алғашқы аккордтан бастап, көрермендер  вокал шеберлерінің кәсібилігіне тәнті болды. Атап айтқанда, олардың орындаушылық мәнеріне қошемет білдірді. Қойылым хор өнерінің мүмкіндіктерін айшықтай түсті. Оны жаңа қырынан танытып, қазақтың бай музыкалық дәстүрін заманауи технология мен көркем сценографиямен үйлестірді. Абай атындағы Ұлттық опера және балет театры еліміздегі  жетекші   шығармашылық ұйым. Жоба авторы театр директоры Айнұр Көпбасарова.

Айнұр Көпбасарова, Абай атындағы Қазақ ұлттық опера және балет театрының директоры:

- Біз хорды балеттің және операның контексінда соның аумағында ғана көреміз. Ал хор ол көз алдыңызға елестетіңізші әрбір хордың артисі  солист жеке солист болып саналады. Ал сол бүкіл қанашама жеке солистің жиынтығы хор арқылы керемет ең бірінші ол дауыс иесі. Біз бұрын хорды статична тұрып ән айтқанды ғана білеміз, ал бұл жерде бұл кісілдер билейді де, өздерінің актерлық шеберліктерін көрсетеді. 

Классикалық шығармалар мен халық әндері хормен айту үшін қайта өңделді. Бұл қазақ музыкасының шынайылығын, әуенін сақтауға мүмкіндік береді. Аранжировщик Артур Оренбургскийдің айтуынша мұндай туындылар қай кезде де сұранысқа ие.

Артур Оренбургский, аранжировщик:

- Консерваторияда оқыған кезімнен бастап қазақ фольклорына қызығушылық танытып келемін. Бұл өзімді әр қырымнан көрсетуге мүмкіндік берді. Біздің мақсатымыз шығарманың қазақи болмысын сақтай отырып, көрерменге дәстүр мен жаңашылдық үйлесім тапқан көрініс ұсыну. Осының бәрі ұлттық өнердің құндылығын түйсінуге мүмкіндік берді. 

«Япурай» спектаклінде соңғы үлгідегі технологиямен декорация кеңінен қолданылды.  Жарық қоюшы  итальяндық  Гаэтано Ла Мела. Ол бұған дейін  «Хан Сұлтан» қойылымында да жұмыс істеген. Ал сахнада   театр хоры мен симфониялық оркестр, «Мұрагер» фольклорлық ансамблі және «Қоңырау» балалар хоры өнер көрсетті.

Қарлығаш Мұздыбаева, Абай атындағы Қазақ ұлттық опера және балет театрының артисі:

- Дайындығымыз біздің енді именно хордың дайындығы өте зор. Ұзақ дайындалдық. Тігілген костюмдердің өзі бір-бірімен қайталанбайды. Осы аз уақыттың ішінде осы қазақтың барлық костюмдері қандай болсын, жас қыздарға үлкен кісілерге болсын барлығы көңілімізден шықты. Көрермендер бүгін аңшылақ деп жатыр біз өзіміз асыға күттік. 

«Япурай» гала-хор спектиаклінің афишасын танымал суретші Жамбыл Нампаев жасады. Қазір театр әр қойылымның афишасын осылай қолмен салу дәстүрін қайта қолға алып жатыр. 

Қарлығаш Қайыпбекова, Сержан Жұмабаев