Алматыда жылыту маусымы басталғалы 153 өрт тіркелді

Алматыда жылыту маусымы қала әкімінің қаулысына сәйкес, 2025 жылғы 8 қазанда ресми түрде басталды. Осы жылыту маусымында қалада табиғи газдан уланған үш дерек тіркелді. Алты адам зардап шеккен, олардың төртеуі – бала.

Төтенше жағдайлар департаментінің мәліметінше, қалада 151 мыңнан астам жеке тұрғын үй есепке алынған. Қатты отынмен жылытылатын 1 450 үй, қаңқалы-қамысты типтегі 5 605 ескі үй ерекше назарда екен. Сонымен қатар әлеуметтік осал отбасылар тұратын 689 үй мен қиын адамдар тұратын 4 мыңнан астам үй жеке санатқа енгізілген.

Ведомство өкілінің айтуынша, алдын алудың тиімді тәсілдерінің бірі – көміртек тотығын анықтайтын датчиктер орнату. 2018 жылдан бері қала мен аудан әкімдіктерінің қолдауымен жеке үйлерге осындай 1 740 датчик орнатылған.

2025-2026 жылы жылыту маусымының өзінде 280 құрылғы орнатылды. Олар көміртек тотығының қауіпті деңгейін дер кезінде анықтап, оқыс оқиғаның алдын алуға көмектеседі.

Еске салайық, бұған дейін Астанада жылыту маусымы басталғаннан бері 55 өрт тіркелгенін хабарлаған едік.