Алматыдағы ауқымды операция алғашқы тәулікте қанша заң бұзушылық анықталды

Алматыда "STOP бұзушылық" ауқымды жедел іс-шарасының алғашқы 24 сағатында 2 мыңнан астам заңбұзушылық тіркелді, деп хабарлайды Tengri Auto ІІМ баспасөз қызметіне сілтеме жасап.

Алматыда "STOP бұзушылық" ауқымды жедел іс-шарасының алғашқы 24 сағатында 2 мыңнан астам заңбұзушылық тіркелді, деп хабарлайды Tengri Auto ІІМ баспасөз қызметіне сілтеме жасап.

Еске сала кетейік, 1 сәуірде Алматыға өзге өңірлерден полиция экипаждары тартылып, "STOP бұзушылық" ауқымды операциясы басталды. Бірінші тәулік ішінде полиция қызметкерлері жол қозғалысы ережелерін бұзудың 2200-ден астам дерегін анықтады, оның ішінде көлікті мас күйінде басқару, қарсы бағытқа шығу және куәліксіз көлік жүргізу бар.

Сонымен қатар, бір тәулік ішінде электрсамокаттарға қатысты 400-ге жуық заңбұзушылық тіркелді, оның ішінде кәмелетке толмағандардың басқару деректері де бар.

Еске сала кетейік, жұмысты күшейту үшін қалаға Астана мен Ақмола, Қарағанды, Жамбыл облыстарынан экипаждар тартылған. ІІМ мәліметінше, қосымша күштер жолдағы тәртіп пен қауіпсіздікті қадағалау үшін жұмылдырылды.

Күні кеше мессенджерлерде алматылық жүргізушілер арасында Алматыға ауқымды рейдтер үшін патрульдік полицияның қосымша экипаждары жіберіліп жатқаны туралы хабарлама тараған.

Келесі күні әлеуметтік желі қолданушылары жолдарда басқа өңірлердің нөмірімен патрульдік көліктер көбейгенін жарыса айта бастады.

Instagram-дағы бұл жарияланымды көру

Tengri Almaty (@tengri.almaty) жарияланымы

Айта кетейік, 21 наурызда Алматыда резонанс тудырған жол-көлік оқиғасы болды: әл-Фараби мен Меңдікұлов көшелерінің қиылысында Mercedes пен Zeekr автокөліктері соқтығысты. Жол-көлік оқиғасы салдарынан үш адам қаза тапты. Mercedes көлігінің 29 жастағы жүргізушісі мен 20 және 22 жастағы екі жолаушы қыз оқиға орнында көз жұмды. Zeekr жүргізушісі аман қалып, әртүрлі жарақатпен ауруханаға жеткізілді. Оқиға кезінде ол мас күйде болған.

Сонымен қатар, мемлекеттік нөмір белгілері заңсыз берілуі мүмкін деген уәждер бойынша ішкі қауіпсіздік департаменті қылмыстық іс қозғап, бірқатар лауазымды тұлға қызметінен айырылды.