Алматыдағы такси сапары боевик сюжетіне айналды

Алматыда шетелдік такси жүргізушісінің кезекті сапары күтпеген жерден шытырман оқиғалы фильмге айналды. Алдымен жолаушы оған "тапанша" кезеп сес көрсетсе, кейін іске полиция араласып, оқиға жол апатымен аяқталды. Полиция жолдағы оқиғаның егжей-тегжейін айтып берді, деп хабарлайды Tengrinews.kz тілшісі.

Алматыда шетелдік такси жүргізушісінің кезекті сапары күтпеген жерден шытырман оқиғалы фильмге айналды. Алдымен жолаушы оған "тапанша" кезеп сес көрсетсе, кейін іске полиция араласып, оқиға жол апатымен аяқталды. Полиция жолдағы оқиғаның егжей-тегжейін айтып берді, деп хабарлайды Tengrinews.kz тілшісі.

Алматы полиция департаментінің мәліметінше, Солтүстік айналма жолында патрульдік қызмет атқару кезінде тәртіп сақшыларына KIA маркалы автокөлік жақындаған. Көліктен атып шыққан шетелдік жүргізуші көмек сұраған.

"Ол көліктің артқы орындығында отырған жолаушы тапаншаға ұқсас затпен қоқан-лоқы көрсетіп, оны Алматы облысындағы елді мекендердің біріне апаруды талап еткенін айтты", - деп хабарлады полиция.

Тәртіп сақшылары жедел әрекет етіп, күдіктіні ұстау үшін көлікті қоршауға алды. Тексеру барысында жүргізушіні қорқытқан қарудың ойыншық тапанша екені анықталды.

Алайда такси жүргізушісінің тауқыметі мұнымен бітпеді. Полиция қызметкерлері құқық бұзушыны ұстап жатқан кезде, қасынан өтіп бара жатқан басқа көлік жүргізушісі оқиғаға үңіліп қарап отырып, KIA көлігіне соғылған.

Instagram-дағы бұл жарияланымды көру

Публикация от Алматы қаласының ПД | ДП г.Алматы (@almaty_police_department)

Полиция бұл дерек бойынша KIA жолаушысына қатысты сотқа дейінгі тергеу амалдары басталғанын хабарлады. Ал жол апатына себепкер болған жүргізушіге қандай жаза қолданылатыны нақтыланбады.

Бұған дейін Павлодар облысында “жүкті“ әйел мас күйде рөлге отырып, жол апатына ұшырағаны хабарланған болатын.