Алматылықтардан 5 мыңға жуық көлік тәркіленді

Алматыда сегіз күн ішінде "Стоп-бұзушылық" жедел-алдын алу шарасы аясында 15 мыңға жуық жол жүру ережесін бұзу дерегі анықталды. Олардың басым бөлігі жолдағы өрескел әрі қауіпті әрекеттерге байланысты, деп хабарлайды Tengri Auto Полиция департаменті баспасөз қызметіне сілтеме жасап.

Алматыда сегіз күн ішінде "Стоп-бұзушылық" жедел-алдын алу шарасы аясында 15 мыңға жуық жол жүру ережесін бұзу дерегі анықталды. Олардың басым бөлігі жолдағы өрескел әрі қауіпті әрекеттерге байланысты, деп хабарлайды Tengri Auto Полиция департаменті баспасөз қызметіне сілтеме жасап.

Полиция мәліметінше, осы уақыт ішінде 4,7 мыңнан аса автомобиль мамандандырылған айыппұл тұрақтарына жөнелтілген.

Алматы Полиция департаменті бастығының орынбасары Ғалым Сарғұловтың айтуынша, бақылаудың күшейтілгеніне қарамастан, адам факторына байланысты жолдардағы жағдай әлі де күрделі болып отыр. Оның сөзінше, полиция жол қозғалысы ережелерін өрескел бұзу деректерін ғана емес, сонымен қатар агрессивті жүргізу, қауіпті маневрлер жасау және ережелерді ашық түрде елемеу жайттарын да үнемі тіркеп отырады.

"Мас күйде көлік тізгіндегендер, сондай-ақ жүргізуші куәлігі жоқ бола тұра немесе жалған нөмірлерді пайдаланып көлік айдағандар ерекше алаңдаушылық туғызады. Дәл осындай заңбұзушылықтар жол қозғалысына қатысушылардың барлығына тікелей қауіп төндіреді", - деді Сарғұлов.

Instagram-дағы бұл жарияланымды көру

Публикация от Алматы қаласының ПД | ДП г.Алматы (@almaty_police_department)

Еске сала кетейік, 21 наурызда Алматыда қоғамда үлкен резонанс тудырған жол апаты болды. Әл-Фараби мен Меңдіқұлов көшелерінің қиылысында Mercedes және Zeekr көліктері соқтығысты. Жол апаты салдарынан үш адам қаза тапты. Mercedes-тің 29 жастағы жүргізушісі мен 20 және 22 жастағы екі жолаушы оқиға орнында көз жұмды. Zeekr жүргізушісі аман қалып, түрлі жарақаттармен ауруханаға жатқызылды. Апат кезінде ол мас күйде болған.

Следите за нашими новостями в Google News