Алматының бір ауданында интимдік қызмет көрсететін екі салон анықталды

Алматының Алмалы ауданында патрульдік полицейлер алдын ала мәлімет бойынша интимдік қызмет көрсету үшін пайдаланылған екі нысанды анықтады, деп хабарлайды Tengrinews.kz Алматы полициясына сілтеме жасап.

Бірінші мекенжай – Чайковский көшесіндегі үй. Екіншісі – Төреқұлов көшесіндегі көпқабатты үй. Екі жағдайда да боди-салон атын жамылған притондар жұмыс істеген. Әр мекенжайда екі адамнан болған. Қыздардың барлығы – өзге өңірлерден келгендер. Олардың арасында бір Қарақалпақстан азаматы бар.

Төрт қыз да Алмалы аудандық полиция басқармасына жеткізілді. Қазіргі уақытта олардың жеке басы анықталып, басқа да құқық бұзушылықтарға қатысы бар-жоғы тексеріліп жатыр.

"Мұндай қызметке жай берген тұрғын үй иелері де назардан тыс қалмайды. Олардың әрекетіне құқықтық баға беріледі. Тексеру нәтижесі бойынша заңда қарастырылған шаралар қабылданады", - деп атап өтті Алматы қалалық полиция департаменті.

Instagram-дағы бұл жарияланымды көру

Алматы қаласының ПД жарияланымы (@almaty.police)

Бізді Google-дың негізгі дереккөздер тізіміне қосыңыз