Әмірлік жаңа жылда 8500 дрон ұшырады

Біріккен Араб Әмірліктері жаңа жылды қарсы алуға қызу дайындалып жатыр.

Елге ең көп кіріс әкелетін 31 желтоқсан мен 1 қаңтарда Абу Даби, Дубай және Рас Әл-Хайма қалалары жалпы саны 8,5 мың дрон ұшырып, туристерге түрлі-түсті шоу ұсынбақ. Одан бөлек, 50-ге тарта орында отшашу өткізу жоспарланған. Осы арқылы билік жер-жерден ағылып келетін саяхатшылардың көңілін табуды көздейді. Жалпы әмірлік арабтары үшін Григориан күнтізбесі бойынша жыл басын атап өту кейінгі жылдары қалыпты дәстүрге айналып келеді. Бұрын бұл датаға аса мән берілмейтін. Қазір кей шектеулердің күші жойылып, арақ- шарапқа да рұқсат берілген. Мұндай үрдіс жергілікті жұрт тарапынан ара- тұра наразылық тудырғанымен, билік мереке күндері қосымша кіріс әкелетін мүмкіндіктен бас тартқан емес.