Аптаның жаңа кинопремьераларына шолу

Әкенің қолынан келеді (Папа может)

Рейтинг: 3.9
Жанры: комедия
Ұзақтығы: 89 минут
Ел: Ресей, 2026
Режиссері: Дмитрий Суворов

Виктор мен Вераның отасқанына 20 жыл. Төрт баласы бар жанұя үлкен үйде тұрады. Виктор «Помидор&Ко» сауда желісінде топ-менеджер. Ал Вера балалар үшін заңгерлік мансабын тоқтатып, үй шаруасына ден қойған. Бір күні жұмыстан шаршап келген Виктор өз қызметі Вераның күнделікті тірлігінен әлдеқайда ауыр екенін айтады. Бұл ойына ренжіген Вера он күнге Мальдив аралдарына демалуға кетеді. Осы уақытта Виктор бала күтімі мен тұрмыс қамы оңай емес екенін түсінеді.

Іскер ханым — мәңгілік (Businesswoman Forever)

Рейтинг: 2.6
Жанры: драма
Ұзақтығы: 80 минут
Режиссері: Ермек Шахмет

Екі құрбы бизнес бастап, талай қиындықты бірге еңсереді. Алайда бір уақытта олар бір адамға ғашық болады. Лейла мен Эмир болашақты бірге жоспарлайды. Бірақ Рузанна Эмирге жоғары мансап ұсыну арқылы оны өзіне тартпақ болады. Мұны білген Лейла құрбысымен байланысын үзеді де, стартапын жеке дамытады. Эмир барлық жинағын Лейлаға береді. Жоба сәтсіз аяқталған соң, екеуі айырылысады. Лейла инвестор іздеп, істі қайта бастайды. Ал Эмир Рузаннамен табысып, көп ұзамай олардың сәби күтiп жүргені белгілі болады.

Күлкі. Зұлымдықтың бастауы (Улыбка. Зарождение зла)

Рейтинг: 5.3
Жанры: хоррор 
Ұзақтығы: 123 минут
Ел: Индонезия, 2024
Режиссері: Баим Вон

Бір күні емханаға жұмбақ науқас жеткізіледі. Емдеу бөлмесінен естілген оның үрейлі күлкісі жұртты шошытады. Көп ұзамай емханада жұмбақ өлімдер жиілей бастайды. Мән-жайды анықтау үшін бір топ жас бейтаныс жанды зерттеуге кіріседі. Қарғыстың сырын ашпаса, келесі құрбан өздері болуы мүмкін. Уақыт таусылып барады.

Махаббат кінәлі (Виновата любовь)

Рейтинг: 10.0
Жанры: мелодрама, комедия
Ұзақтығы: 101 минут
Ел: Канада, 2024
Режиссері: Жозе Лоуренсу

Торонто қаласындағы іс-сапар кезінде жас жазушы Вертер өз махаббатын кездестіреді. Алайда бойжеткеннің басқа жанға атастырылғаны белгілі болады. Ипохондрик досының ескертуіне құлақ аспаған Вертер сүйіктісінің жүрегін жаулау үшін тәуекелге бел буып, өмірін түбегейлі өзгертеді.

Goat: Асқақ арманда (Goat: Мечтай по-крупному)

Рейтинг: 10.0
Жанры: мульфильм, мюзикл, комедия
Ұзақтығы: 95 минут
Ел: АҚШ, Бразилия, Жапония, Сингапур, 2026
Режиссері: Тайри Диллихей, Адам Розетт

Уилл атты ешкі ерекше мүмкіндікке ие болады. Ол кәсіби лигаға қосылып, «жануарбол» құрамында ойнай бастайды. Бұл спорт түрі — күшті, командалық рухты және қарқынды қозғалысты қажет етеді. Уилл әлемдегі ең жылдам әрі қатал жануарлармен бір топта. Бірақ жаңа команда серіктері Уиллді кішкентай деп бағаламайды.

Найзағайлы асу (Грозовой перевал)

Рейтинг: 7.0
Жанры: драма
Ұзақтығы: 130 минут
Ел: АҚШ, Ұлыбритания, 2026
Режиссері: Эмиральд Феннел

Йоркшир жазығында мәңгілік махаббат оқиғасы басталады. Жетім Хитклиффті найзағайлы асу үстінде тұратын ерекше отбасы асырап алады. Ол бір көргеннен Кэтрин атты қызды ұнатып қалады. Үй иесінің өлімінен кейін мүлікті қызғаншақ әрі қатыгез Хиндли басқарып, Хитклиффті қызметші етеді. Осы тұста Хитклифф пен Кэтриннің махаббаты сөнбей, бір-біріне деген сезімі одан әрі күшейе түседі.

Белдхэм. Мыстанның қарғысы (Белдхэм. Проклятие ведьмы)

Рейтинг: 3.3
Жанры: хоррор 
Ұзақтығы: 85 минут
Ел: АҚШ, 2024
Режиссері: Энджела Галнер

Ұзақ уақыт бойы жоқ болып кеткен Харпер анасының қыстағына оралады. Бір күні ол ескі үйдің қабырғасында жасырын тұрған ежелгі күшпен кездеседі. Харпер өз өмірі мен баласын тылсым тұзақтан сақтап қалу үшін бар күшін салады.

Пейіш 2: Анама хат

Рейтинг: 8.8
Жанры: драма
Ұзақтығы: 100 минут
Ел: Қырғызстан, 2026
Режиссері: Руслан Акун

«Пейіш 2: Анама хат» — аналық махаббат пен рухани құндылықтарды дәріптеп, жүрекке жеткізетін әсерлі драма. Өткеннің сынақтары кейіпкерлерді өзгертеді. Жақындарымен қарым-қатынасын қайта саралауға мүмкіндік береді. Ал жаңа таныстықтар оларға қиындықты жеңіп, ішкі күш пен тірек табуға көмектеседі.

Лос‑Анджелестегі ұрлық (Ограбление в Лос-Анджелесе)

Рейтинг: 6.5
Жанры: драма, триллер, криминал
Ұзақтығы: 135 минут
Ел: Ұлыбритания, АҚШ, 2026
Режиссері: Барт Лэйтон

Детектив Лу Любесник қымбат тастарды ұрлаған қылмыскердің ізіне түседі. Ұрлық «Криминал 101» ережелеріне сәйкес жасалған, яғни ұрылар мінсіз жоспар құрып, нұсқаулық бойынша әрекет еткен.

The Rose: Маған қайта орал (The Rose: Come back to me)

Рейтинг: 5.5
Жанры: деректі фильм
Ұзақтығы: 97 минут
Ел: Оңтүстік Корея, АҚШ, 2025
Режиссері: Уджин Ю

«The Rose: Come Back to Me» — кореялық The Rose тобының K-Pop индустриясында бастан кешірген қиындықтарын баяндайды. Миллиондаған жанкүйер жинағаннан кейін, топ лейблмен шыққан даудың кесірінен тарап кетеді. Бірақ бірнеше жылдық үзілістен соң сахнаға қайта оралады.

Соңғы ертегі (Последняя сказка)

Жанры: мюзикл
Ұзақтығы: 139 минут
Ел: Ресей, 2025
Режиссері: Анна Шевчук

Мәскеудің тұратын Макс пен сүйіктісі Женя күтпеген жерден шытырман оқиғаларға толы шығыс астанасына саяхаттап барады. Жеткен соң олар «Мың бір түннің» кейіпкерлерімен кездесіп, бір-бірінен ажырап кету қаупін бастан өткереді. Ұшатын кілемнің көмегімен олар өз сезімдері мен армандарын түсінеді.

Өткен аптадағы кинопремьералар тізімін осы жерден көре аласыздар.