Ақ үй маңында атыс болып, күдікті қаза тапты

АҚШ Құпия қызметінің мәліметінше, оқиға жергілікті уақытпен кешкі алтылар шамасында болған. Қолында қаруы бар азамат бақылау бекетіне жақындап, кенеттен оқ жаудырған. Қауіпсіздік қызметкерлері қару қолданып, күдіктіні атып тоқтатқан. Атыс кезінде бір адам оқ жарақатын алған. Дональд Трамп сол кезде Ақ үйде болған, зардап шеккен жоқ деп мәлімдеді Президенттің кұпия қызметі. Қазір оқиға орнында Федералды тергеу бюросы мен арнайы қызмет өкілдері жұмыс істеп жатыр.