Ақмола облысында 34 мектеп жөндеуден өтті

Биыл Ақмола облысында 2 мың оқушыға арналған жеті мектеп салынды. Оның екеуі облыс орталығында, қалғаны шалғай ауылдарда ашылды. Осылайша, үш аусыммен білім беретін мектептердің мәселесі шешімін тапты. Одан бөлек, биыл өңірде реновация жобасымен 34 білім ошағы күрделі жөндеуден өтті. 

Қамар Құрманова 40 жылдан бері жүздеген шәкірт тәрбиеледі. Тәжірбиелі мұғалім соңғы жылдары білім беру саласында оң өзгеріс көп дейді. Ол жұмыс істейтін мектеп биыл күрделі жөндеуден өтіп, жабдықтары жаңартылды. 

Қамар Құрманова, мұғалім:

- Ұстаз – өзінің жүрген жүрісімен, тұрған тұрысымен, киген киімімен, сөйлеген сөзімен, мәдениетімен, әдебиетімен, әдебімен барлық шәкіртіне үлгі деп ойлаймын. Сондықтан да әрине білім саласында көптеген өзгерістер болып жатыр. Кезінде біз қызметімізді бастағанда тоқсаныншы жылдары біз тіпті жалақысыз да қызмет атқардық қой. Ал қазіргі кезде мұғалімдерге барлық жағдай жасалған деп ойлаймын. 

Биыл өңірде 34 мектеп жаңғыртылды. Оның 20-сы реновация бағдарламасы аясында жөндеуден өтіп, техникалық базасы нығайтылды.

Роза Байболова, мектеп директоры:

- Біздің мектептің іргетасы 1968 жылы қаланған. Содан бері білім ошағы күрделі жөндеуден өткен ғой. Биыл реновация жобасы аясында білім ошағамыз толық жаңартылды. Оған қазынадан 688 млн. теңге бөлінді. Жылу желілері ретке келтіріліп, есік, терезелерінің бәрі ауыстырылды.

Келесі жылы өңірде жоба аясында 29 білім ошағын күрделі жөндеу жоспары бар. Ал 2027 жылы 41 мектеп жаңғыртылады. Осылайша, облыста апатты және үш ауысымды мектептердің мәселесі толығымен шешіледі.

Айнагүл Балташева, Облыстық Білім басқармасының басшысы:

- Үш ауысымды мектеп жоқ. Апатты жағдайдағы мектептер бізде толық шешілді және көп жылдардан бері құрылыспен ұзақ жылдарға созылған барлық мектептер шешімін тауып, пайдалануға беріліп, оқушыларымыз жайлы, жақсы мектептерде білім алуда.

«Сонымен қатар өңірде біраз жылдан бері   жыр болған жатақхана мәселесі де түбегейлі шешілді», - дейді жауаптылар. Соңғы екі жылда Көкшетауда жеті студенттер үйі қолданысқа берілді.

Авторлары: Абзал Азаматұлы, Виктор Полянный