Ақмола облысында әйелді аңдып жүріп өлтірген күдікті ұсталды

Фото: istockphoto.com

Жазба авторының айтуынша, әйел бұған дейін сол ер адаммен қарым-қатынаста болған. Бірақ оның агрессивті мінез-құлқына байланысты арақатынасын үзген. Содан кейін де ер адам оны мазалап, әртүрлі нөмірлерден қоңырау шалып, жұмыс орнының жанында күтіп жүрген.

Жақындарының айтуынша, ер адам оны жалдамалы пәтерге алып барған. Сол жерде жанжал туындап, аяусыз соққыға жыққан.

«Ол ес-түссіз жатқанын түсінген кезде жедел жәрдем шақырмады. Оның орнына пәтер мен денесін қаннан тазалауға кірісті. Ол оның өмірін сақтап қалуы мүмкін уақытты жоғалтты. Дәрігерлерге ол әйел батареяға соғылды деп айтқан», делінген жазбада.

Марқұмның туыстары бұл нұсқамен келіспейді және оның алған жарақаттары ауыр соққыдан болғанын айтады.

Қайталанған сталкинг үшін бас бостандығынан айыру жазасы енгізіледі

Қазіргі уақытта оқиғаға байланысты ресми тергеу жүріп жатыр.

Еске сала кетейік, бұған дейін Жетісу облысында қызды ұзақ уақыт бойы аңдып, мазалаған күдікті ұсталған еді. Алакөл аудандық соты оны диагнозына байланысты қылмыстық жауапкершіліктен босатып, жалпы үлгідегі психиатриялық стационарға мәжбүрлі емдеуге жіберу туралы шешім қабылдады.