Ақмола облысының орман мекемелеріне өртке қарсы жаңа техника табысталды

Өрт сөндіру автокөлігі – отандық өндіріс өнімі, орман өрттерін сөндіруге тікелей қатысатын орман шаруашылығы мамандарының ұсыныстары ескеріле отырып әзірленген.

Маневрлігін арттыру үшін цистерна көлемі 3 тоннаны құрайды, жоғары өтімділігі қамтамасыз етілген, өзін-өзі сөндіру жүйесі бар және қозғалыс барысында өрт сөндіру мүмкіндігі қарастырылған.

Аумаққа барлығы 24 өрт сөндіру автокөлігін жеткізу жоспарланып отыр.

2025 жылы 30 трактор және 31 кіші орман патрульдік кешені жеткізілді.

2011–2023 жылдар аралығында орман және табиғатты қорғау мекемелерінің материалдық-техникалық базасы іс жүзінде жаңартылмаған.

2024–2025 жылдары республикалық және жергілікті бюджеттен 21,5 млрд теңге бөлініп, оның есебінен 92 өрт сөндіру автокөлігі, 118 кіші орман патрульдік кешені (КОПК), 244 трактор, 240 патрульдік автокөлік және 3 мыңнан астам өзге техника мен жабдық сатып алынды.

Сонымен қатар лизингтік қаражат есебінен 1057 бірлік өртке қарсы техниканы сатып алуға 35 млрд теңге бөлінді. Оның ішінде 333 өрт сөндіру автокөлігі, 350 трактор және 374 кіші орман патрульдік кешені бар.

Республика бойынша тракторлар мен кіші орман өрт сөндіру кешендерін жеткізу толық аяқталды, сондай-ақ 152 өрт сөндіру автокөлігі жеткізілді.

2026 жылдың мамыр айының соңына дейін тағы 168 өрт сөндіру автокөлігін жеткізу күтілуде.

Қабылданып жатқан шаралар елдің өрт қаупі жоғары өңірлеріндегі мемлекеттік орман иелерін өртке қарсы техникамен жаңарту және жабдықтауды көздейді.

Еске сала кетейік, бұған дейін орманшыларға хай-тек стилінде жаңа үйлер салынатынын хабарлаған едік.