Ақпанда қазақстандықтар баспананы азырақ сатып алған

АСТАНА, 12 наурыз – Sputnik. Ұлттық статистика бюросының хабарлауынша, ақпанда қазақстандықтар қаңтардағыдан азырақ баспана сатып алған.

"2026 жылғы ақпанда тұрғын үйді алып-сату бойынша 27 421 мәміле тіркелген, қаңтармен салыстырғанда (27 745) мәмілелер саны 1,2% азайған", - деп жазылған хабарламада.

Мәмілелер саны бойынша көш бастап тұрғандар:

Алматы – 5 732

Астана – 5 242

Қарағанды облысы – 2 250

Пәтерлер бойынша барлығы 21 259 мәміле жасалды, бұл мәмілелердің жалпы санының 77,5%-ы. Бөлмелер саны бойынша 1 бөлмелі пәтерлер сатылымы басым болды, 2026 жылдың ақпан айында олар бойынша 8 306 мәміле ресімделген.

Жеке тұрғын үйлер бойынша өткен айда барлығы 6 162 мәміле тіркелген.