АҚШ “босану үшін келетіндер туризмімен“ күреспек

Ақ үй "босану үшін келетіндер туризміне" қарсы шараларды, соның ішінде жүкті шетелдік әйелдердің АҚШ-қа кіруіне тыйым салу мүмкіндігін қарастырып жатыр. Бұған дейін АҚШ президенті Дональд Трамптың туу құқығы бойынша берілетін азаматтықты жоюға бағытталған он жылдық талпынысы сәтсіз аяқталған болатын, деп хабарлайды Tengrinews.kz Politico басылымына сілтеме жасап.

Ақ үй "босану үшін келетіндер туризміне" қарсы шараларды, соның ішінде жүкті шетелдік әйелдердің АҚШ-қа кіруіне тыйым салу мүмкіндігін қарастырып жатыр. Бұған дейін АҚШ президенті Дональд Трамптың туу құқығы бойынша берілетін азаматтықты жоюға бағытталған он жылдық талпынысы сәтсіз аяқталған болатын, деп хабарлайды Tengrinews.kz Politico басылымына сілтеме жасап.

Жоғарғы соттың туу арқылы автоматты түрде азаматтық алу құқығын қорғаған шешімінен кейін Трамп әкімшілігі мұндай тәжірибеге қарсы күрес бойынша жаңа қадамдар әзірлеп жатыр.

Талқыланып жатқан шаралардың қатарында жүкті шетел азаматтарының АҚШ-қа кіруіне толық тыйым салу, "босану туризмі" схемаларын ұйымдастырушыларды және босануға келген әйелдердің өзін алаяқтық баптары бойынша қылмыстық жауапкершілікке тарту бар.

"Алдағы уақытта әкімшілік заңсыз иммиграцияны тартымды ететін факторларға және АҚШ-қа тек осы жерде бала туу мақсатымен, яғни алаяқтық ниетпен кіруге ұмтылатын шетелдіктерге қарсы күресті жалғастырады", - деді АҚШ әкімшілігінің шенеуніктерінің бірі.

Сот шешімінен көп ұзамай, Politico мәліметінше, АҚШ Әділет министрлігі федералдық прокурорларды Ішкі қауіпсіздік министрлігімен бірлесіп жұмыс істеуге және "босану туризмі схемаларын тергеу мен қылмыстық қудалауға басымдық беруге" шақыратын меморандум шығарған.

Меморандумда жыл сайын "мыңдаған шетелдік" АҚШ-қа "жалған сылтаумен келіп, бала туып, өз баласына азаматтық қамтамасыз ету үшін" келетіні айтылған. Халық санағы деректеріне жүргізілген шолуға сәйкес, АҚШ-та жыл сайын дүниеге келетін 26 мыңға дейінгі бала тек босану мақсатында елге келетін әйелдермен байланысты болуы мүмкін.

Меморандумда мұндай істердің көпшілігі визалық алаяқтық баптары бойынша қудалануы мүмкін болғанымен, прокурорларға басқа да федералдық нормаларды қарастыру ұсынылған. Олардың қатарында байланыс құралдарын пайдалану арқылы жасалған алаяқтық, ақшаны жылыстату, сәйкестендіру құралдарын заңсыз пайдалану, жеке деректерді ұрлау және денсаулық сақтау саласындағы алаяқтық мақсатындағы сөз байласу бар.

Сонымен қатар АҚШ әкімшілігінде Жоғарғы соттың шешімі жүкті әйелдердің елге кіруін шектеуге тыйым салмайды деген идея ілгерілетілген.

"Қолданыстағы заңнамаға сәйкес жүкті әйелдерге елге кіруге рұқсат берілмеуі мүмкін және президент мұны 212(f) бабының негізінде, яғни қолданыстағы заңға сүйене отырып жасай алады", - деді Трамптың бірінші президенттік мерзімінде Ішкі қауіпсіздік министрінің орынбасары қызметін атқарған Кен Куччинелли.

Қазіргі уақытта жүкті әйелдерге АҚШ-қа сапарлауға тыйым салынбаған. Алайда консулдық қызметкерлер қонақ визасын беруден бас тартуға, ал АҚШ Кеден және шекара қызметінің қызметкерлері сапардың негізгі мақсаты АҚШ-та бала туу деп есептеген жағдайда елге кіруге рұқсат бермеуге құқылы, деп атап өтті Иммиграциялық зерттеулер орталығының саясатты зерттеу жөніндегі директоры Джессика Вон.

Атап айтқанда, әкімшілік уақытша визаларға қосымша шектеулер енгізіп, өтініш берушілерді жүкті екендігі немесе АҚШ-та босануды жоспарлайтыны туралы ақпаратты ашуға міндеттей алар еді.

Вонның айтуынша, үкімет АҚШ-тың кей аумақтарына, соның ішінде Солтүстік Мариана аралдары Достастығына визасыз кіру саясатын тоқтата алар еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!