АҚШ босану туризмі үшін жаңа шектеулер енгізді

АҚШ "босану туризмін" ұйымдастыратындар немесе одан табыс табатындарға қатысты жаңа визалық шектеу енгізеді. Мәселе шетелдіктердің баласына Америка азаматтығын алып беру үшін елге арнайы келу жағдайлары туралы болып отыр, деп хабарлайды Tengri Travel.

Жаңа саясат туралы АҚШ мемлекеттік хатшысы Марко Рубио жариялады. Оның айтуынша, билік Америка азаматтығын, мемлекеттік бағдарламаларды және салық төлеушілерді қорғау үшін барлық қолжетімді құралды пайдалануға ниетті.

"Трамп әкімшілігі АҚШ азаматтығының тұтастығын қорғау, Американың қоғамдық игіліктері мен салық төлеушілерін пайдаланудан сақтау, сондай-ақ ұлттық қауіпсіздігікті қамтамасыз ету үшін қолда бар барлық құралды пайдаланып жатыр", - деп атап өтті Марко Рубио.

Birth tourism is a practice that defrauds our immigration and Medicaid systems. Today @SecRubio announced a new visa restriction policy to target those who engage in or profit from this fraud.https://t.co/WFWK6J6ucG

- Мемлекеттік департамент (@StateDept) 23 қыркүйек, 2026 жыл

Жаңа ереже кімдерге қатысты болмақ?

Жаңа шектеу шетелдік аяғы ауыр әйелдердің өзін емес, ең алдымен "босану туризмін" ұйымдастыратындарды немесе одан пайда көретіндерді қамтиды.

Шектеуге мына тұлғалар ілігуі мүмкін:

АҚШ-қа босану үшін сапарларды ұйымдастыратын компаниялардың иелері мен басшылары; өтініш берушілерге құжаттарда жалған мәлімет көрсетуге көмектесетін визалық делдалдар; осындай сапарларға саналы түрде қатысатын немесе Medicaid бағдарламасын заңсыз пайдалануға көмектесетін шетелдік клиникалар; коммерциялық босану туризмін ұйымдастыруға көмектесетін басқа да тұлғалар.

Сондай-ақ кейбір жағдайда шектеу осы адамдардың отбасы мүшелеріне әсер етуі мүмкін. Бұл ретте Мемлекеттік департамент әзірге бұл қай туыстарға қатысты екенін және олардың қандай жағдайда жауапқа тартылатынын нақтыламады.

Еске сала кетейік, Ақ үй маусымда "босану туризміне" қарсы шараларды, соның ішінде аяғы ауыр шетелдіктердің АҚШ-қа кіруіне тыйым салу мүмкіндігін қарастыра бастаған еді. Ол кезде "босану туризмі" схемаларын ұйымдастырушылар, сондай-ақ босанушы әйелдердің өздері алаяқтық баптары бойынша қылмыстық жауапкершілікке тартылуы ықтимал екені хабарланған болатын.

Тағы оқыңыз: АҚШ виза беруді “тоқтатты“: қазақстандықтар үшін не өзгереді?

Бізді Google-дың негізгі дереккөздер тізіміне қосыңыз

Қосу