АҚШ пен Ресей президенттері Будапештте кездеседі Орбан тағы бір мәлімдеме жасады

АСТАНА, 18 қазан – Sputnik. Мажарстан премьер-министрі Виктор Орбан АҚШ пен Ресей президенттерінің кездесуіне қатысты тағы бір мәлімдеме жасады, деп хабарлайды Sputnik Қазақстан РИА новостиге сілтеме жасап.

Путин пен Трамп Мажарстан астанасы – Будапешт қаласында кездесуі мүмкін.

"Бүгінде Мажарстан – бұл Америка мен Ресей арасындағы келіссөздердің нәтижесінде бейбітшілікке жол ашуға мүмкіндік болатын Еуропадағы мемлекет", - деп жазды Орбан әлеуметтік желідегі парақшасында.

Оның айтуынша, Брюссель өзін бейбіт процестен оқшаулап тастады. Бірақ Мажарстан қақтығысты реттеуге күш-жігерін сала береді.

Бұған дейін Мажарстан премьер-министрі Путин мен Трамптың кездесуін ұйымдастыруға дайын екенін айтқан.

Айта кетері, 16 қазанда Путин мен Трамп телефон арқылы сөйлескен. Осыдан кейін АҚШ президенті келесі аптада екі елдің кеңесшілері жоғары деңгейде кездесетінін мәлімдеді. Артынан Будапештте АҚШ пен Ресей президенттері кездесе алады.