АҚШ та ұшақ күтпеген жағдайда шұғыл қонуға мәжбүр болған

Омахадан Лос-Анджелеске бағыт алған рейс түсініспеушілікке байланысты шұғыл қонуға мәжбүр болды, - деп хабарлайды Tengritravel.kz тілшісі.

Омахадан Лос-Анджелеске бағыт алған рейс түсініспеушілікке байланысты шұғыл қонуға мәжбүр болды, - деп хабарлайды Tengritravel.kz тілшісі.

Оқиға жайлы бірнеше БАҚ, соның ішінде Daily Mail TikTok-тағы ресми парақшасында хабарлады.

SkyWest әуекомпаниясының 6569 рейсі өткен дүйсенбіде жергілікті уақыт бойынша 18:41-де АҚШ-тың Небраска штатындағы Омаха әуежайынан ұшып шыққан. Алайда көп ұзамай экипаж ұшақты кері бұрып, әуежайға қайта оралуды ұйғарған.

Мәлімет бойынша, кері қайтуға пилоттардың бортсеріктермен байланысы үзіліп қалуы себеп болған.

БАҚ мәліметінше, бортсеріктер пилоттардың назарын аудару үшін кабина есігін қаққан, ал ұшқыштар мұны ұшақты басып алу әрекеті деп ойлаған. Қауіпсіздік мақсатында экипаж шұғыл түрде әуежайға қайтып оралып, қонуға шешім қабылдайды.

Ұшақ сәтті қонған соң, оқиға орнына полиция қызметкерлері келіп, әуе кемесі толық тексерілген. Экипаж командирі жолаушылардан кешірім сұрады. Кейін лайнер жергілікті уақыт бойынша 23:18-де қайта ұшып, Лос-Анджелеске сәтті жетті.

Саяхат қызықтары мен пайдалы ақпаратты Instagram және Facebook парақшаларынан оқи аласыз!