АҚШ тағы қазақ қызы Netflix ті бағындырып жүр

Талантымен әлемді таңғалдырды деген осы шығар. АҚШ-тағы қазақ қызы Netflix-ті бағындырып жүр. Иә, иә, біз қазір 13 жастағы Аяжан Далабаева жайында айтып тұрмыз. Астаналық жас бірнеше жылдан бері АҚШ киноиндустриясында жұмыс істеп жүр. Ол кішкентай кезінде отбасымен бірге Америкаға қоныс аударған, ал алғашқы кастингтерге 9 жасынан бастап қатыса бастаған. Анасының айтуынша, қыздың түсірілімге қызығушылығы кішкентай кезінен туындаған. Қазір күнде түсірілімге шығып, сериалдардағы эпизодтардан да көрініп, табыс тауып жүр. 

Кішкентай таланттың талабына желідегі жұртшылық таңданыстарын жасырмады. Көпшілік Аяжанға сәттілік тілеп, мақтанышымыз деген жылы лебіздерін толассыз жаудырды. 

Ресейлік танымал композитор Игорь Крутой мен қазақстандық әнші Александр Лим жаңа әнін көпшілік назарына ұсынды. Қос өнерпаздың орындауындағы «Вокзал» деп аталатын бұл жаңа композиция алғаш рет авторадио эфиріндегі шоуда шырқалды. Бұл «Жаңа толқын» байқауынан кейін олардың алғашқы бірлескен жобасы. Жаңалықпен бөліскен Крутой өз Instagram парақшасында радиодағы орындауының үзіндісін жариялады. Жазбаның астына қазақстандықтар жарыса пікір қалдырды. Оқырмандар ресейлік әншіге алғысын білдіріп, Алекс Лимнің дарынын жоғары бағалап жатты. Қысқасы, жаңа «Вокзал» дуэті екі елдің тыңдармандарын біріктіріп, қазақстандық өнерпаздың халықаралық деңгейге шыққанын кезекті мәрте көрсетті.

Үйде қалған ит жарылыс жасаған. Новосибирскіде иесі пәтерде жануарды жалғыз қалдырып кетіп, арты оқыс оқиғаға айналды. Үйдегі газ плитасының үстінде дихлофос баллоны қалған. Ал үй жануары ойнап жүріп газдың бұрағышын тістеп қосып жіберген. Салдарынан құты қызып жарылған. Салдарынан пәтердің терезелері шағылып, есігі бұзылды. Бұл сәт видеоға түсіп қалыпты.

Енді желіні қуантып жатқан ел жаңалықтарына ойысайын. Дастан Сәтпаев 2008 жылы туған әлемнің үздік бес футболшысының қатарына енді. Бұл ақпарат кешелі бері футболсүйер қауымды тағы бір қуантып тастады. Алматылық «Қайрат» футбол клубының 17 жастағы шабуылшысын мұндай тізімге швециялық Score90 порталы енгізіпті. Беделді рейтингте әлемнің кіл мықты ала доп шеберлері енген. «Бавария», Атланта және «Ливерпуль» ойыншыларымен біздің Дастан Сәтпаев қатар тұр.