АҚШ тың Қазақстандағы елшісі иммиграциялық виза берудің уақытша тоқтатылуын түсіндірді

Елші АҚШ-тың иммиграция негізінде құрылған ел екенін атап өтті.

— Көпшілік мұның қаншалықты маңызды екенін және оның заңнамада нақты бекітілгенін жақсы түсінеді деп ойлаймын, — деді ол.

Оның айтуынша, енгізілген үзіліс уақытша.

— Бұл шара — бағдарламадағы үзіліс — уақытша ғана және барлық үдерістің тиісінше жұмыс істеп тұрғанына көз жеткізуге бағытталған. Негізінен, бұл иммиграциялық жүйені тоқтату емес, керісінше оны қолдау, — деді Стаффт.

Елші мұндай әрекет бұған дейін де жасалғанын және шешім өтініш берушілердің шектеулі бөлігіне ғана қатысты екенін еске салды.

— Бұл үзіліс визаның бір санатының нақты бір бөлігіне қатысты және Қазақстан азаматтарына берілетін визалардың басым көпшілігіне әсер етпейді, — деді ол.

Стаффт басқа сапар түрлері, әсіресе білім алу бағытындағы мүмкіндіктер ашық күйінде қалатынын атап өтті. Өткен жылы АҚШ-та білім алған қазақстандық студенттер саны рекордтық деңгейге жеткен, әрі америкалық тарап бұл көрсеткіштің алдағы уақытта да өсетініне үміт білдіріп отыр.

Өз жұмысының басымдықтары туралы айта келе, елші мәдени байланыстарды нығайтудың маңызын ерекше атап өтті.

— Біз қазақстандықтардың көбірек АҚШ-қа барғанын, ал америкалықтардың Қазақстанға жиірек келгенін қалаймыз. Біздің елдеріміздің ұқсастықтары көп, сондықтан азаматтардың мұны өз көзімен көргені маңызды. Жеке байланыстар алыс қашықтыққа қарамастан сенімді серіктестіктер құруға көмектеседі, — деп түйіндеді ол.

Бұған дейін АҚШ-та 75 елдің азаматтары үшін иммиграциялық визаларды өңдеу уақытша тоқтатылғаны хабарланған болатын.