АҚШ Украинаға сататын қару жарақ көлемін бес есеге қысқартты

АСТАНА, 3 тамыз – Sputnik. 2026 жылдың басында АҚШ-тың Украинаға қару-жарақ жеткізуі Джо Байденнің президент болған кезеңімен салыстырғанда бес есеге жуық азайды, деп хабарлады РИА Новости АҚШ Конгресіне ұсынылған есепке негізделе отырып,.

2022 жылдың наурызынан 2024 жылдың желтоқсанына дейін Вашингтон Киевке құны шамамен 43,4 миллиард доллар болатын қару-жарақ жеткізді. Бұл сомаға Пентагон қорынан тікелей алынған 32,25 миллиард долларлық қару-жарақ және USAI бағдарламасы бойынша қорғаныс компанияларына төленген тағы 11,15 миллиард долларлық төлемдер кірді.

РИА Новостидің есептеуінше, 34 ай ішінде Байденнің тұсында жеткізілімдердің орташа айлық құны шамамен 1,28 миллиард долларды құрады.

Әкімшілік ауысқаннан кейін Пентагон қорынан жаңа жеткізілімдер тоқтатылды. Соңғы осындай пакет 2025 жылдың 9 қаңтарында жарияланды, содан бері жеткізулер тек бұрын қол қойылған ұзақ мерзімді USAI келісімшарттары бойынша жүзеге асырылды.

2026 жылдың бірінші тоқсанында мердігерлерге 797 миллион доллар төленді - айына шамамен 266 миллион доллар. Осылайша орташа айлық көрсеткіш 2022 жылдың наурызынан 2024 жылдың желтоқсанына дейінгі кезеңмен салыстырғанда бес есеге жуық төмен болды.

Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады деп санайды. Ресей сыртқы істер министрі Сергей Лавров Украинаға арналған қару-жарақ бар кез келген жөнелтілім Ресей үшін заңды нысана болатынын мәлімдеді.