АҚШ Украинаны қолдауға ауқымды ресурстарды бағыттауды жалғастырып жатыр Динанно

АСТАНА, 25 наурыз – Sputnik. Америка Құрама Штаттары Украинаны қолдауға үлкен көлемде ресурстарды бөлуді жалғастыруда, деп мәлімдеді мемлекеттік хатшының қару-жарақ бақылау және халықаралық қауіпсіздік жөніндегі орынбасары Томас Динанно.

Бұл туралы РИА новости жазды.
"Әкімшілік (АҚШ – ред.) Украинаны қолдауға байланысты ресурстардың ауқымды көлемін жұмсап жатыр", - деді Динанно Өкілдер палатасының сыртқы істер комитетіндегі тыңдауда.

Шенеунік Ақ үй Еуропа елдерінің Киев үшін америкалық қару-жарақ сатып алуын қамтитын PURL (басымдықтағы Украина талаптарының тізімі) бағдарламасын белсенді түрде қолдауды жалғастырып жатқанын атап өтті.