Ақтауда еріктілер тазалыққа шақырады

Ақтаудың белсенді жастары ерекше челленджді қолға алды. Еріктілер қоғамдық көлікке мінген тұрғындарды тазалыққа шақырып, қоқысты арнайы орынға тастауға үндейді. Игі шара 10 күн бойы қаладағы барлық автобус бағыттарында ұйымдастырылады. 

Айта кетсек, «Таза Қазақстан» жалпыұлттық акциясы Маңғыстау облысы елді мекендерінде қарқынды жалғасуда. Апта сайын өтетін сенбіліктерге еріктілер белсенді атсалысып келеді.

Жеңіс Енболатұлы, ерікті:

- Бұл қарапайым халыққа экологиялық мәдениетті қалыптастыру, яғни қоқыс тастамау, ағаштарды отырғызу, сонымен қатар қуат пен суды үнемдеу сияқты бағытта өткізіледі. Қазіргі кезде бізде 45 күндік «Таза Маңғыстау» деген челлендж өтіп жатыр. Соған қосылып күнделікті әдетке айналдыруға тырысу.