Ақтауда жансақтау бөліміне түскен екі жасар қыздың ата анасы бейнеүндеу жариялады

Ақтауда екі жасар қыздың ата-анасы қыздарының өмірін сақтап қалу үшін видеоүндеу жариялады, деп хабарлайды Tengrinews.kz тілшісі Lada.kz басылымына сілтеме жасап.

Ақтауда екі жасар қыздың ата-анасы қыздарының өмірін сақтап қалу үшін видеоүндеу жариялады, деп хабарлайды Tengrinews.kz тілшісі Lada.kz басылымына сілтеме жасап.

Туыстарының айтуынша, 22 маусымда бүлдіршін "диарея" диагнозымен инфекциялық ауруханаға жатқызылған. Бастапқыда баланың жағдайы алаңдатарлық болмаған, алайда 28 маусымда ол облыстық балалар ауруханасының жансақтау бөліміне шұғыл түрде ауыстырылды. Жақындарының сөзіне қарағанда, кішкентай қыздың қос бүйрегі бірдей істен шыққан.

Туыстары емдеу кезеңінде балаға дер кезінде дұрыс диагноз қойылмағанын, ал тағайындалған терапия ауыр асқынулардың алдын алуға көмектеспегенін айтып отыр.

Сонымен қатар ата-анасы қазір олар үшін кінәлілерді іздеу емес, қыздарының өмірін арашалап қалу маңызды екенін атап өтті.

"Қазір бізге кінәліні іздейтін уақыт емес. Кейін міне, неліктен дер кезінде диагноз қоя алмағанын, не себепті күшті әсер ететін препараттар тағайындалғанын және баланың жағдайы неге бүйректің істен шығуына дейін жеткенін міндетті түрде анықтау керек болады. Қазір ең бастысы - оның жағдайын тұрақтандырып, өмірін сақтап қалу", - дейді туыстары.

Маңғыстау облыстық денсаулық сақтау басқармасы баланың энтероколиттің клиникалық белгілерімен ауруханаға түскенін және түскен сәттен бастап Денсаулық сақтау министрлігінің қолданыстағы клиникалық хаттамаларына сәйкес ем алғанын хабарлады.

Ведомствоның мәліметінше, пациенттің жағдайын күн сайын емдеуші дәрігер мен кезекші медициналық қызметкерлер бақылап отырған. Ауру басталғаннан кейін алтыншы тәулікте баланың жағдайы нашарлап, ісіну синдромы белгілері анықталған. Анестезиолог-реаниматологтың кеңесінен кейін қыз бала анестезиология, реанимация және қарқынды терапия бөліміне ауыстырылған.

Жүргізілген тексеру нәтижелері бойынша балаға "гемолитикалық-уремиялық синдром" (ГУС) диагнозы қойылды.

"Гемолитикалық-уремиялық синдром - бірқатар жіті ішек инфекцияларының ауыр асқынуы және әдетте ауру басталғаннан кейін бірнеше күн өткен соң дамиды. Аурудың ерте кезеңдерінде синдромға тән клиникалық және зертханалық белгілер байқалмауы мүмкін, сондықтан мұндай диагнозды ертерек қоюға объективті негіз болған жоқ. Жағдайы нашарлағаннан кейін балаға қосымша зерттеулер жүргізіліп, мамандандырылған ем басталып, республикалық ғылыми орталық мамандарымен телемедициналық кеңес ұйымдастырылды. Кеңес қорытындысы бойынша емдеу тәсіліне түзетулер енгізілді", - деп түсіндірді денсаулық сақтау басқармасы.

Қазіргі уақытта қыз бала дәрігерлердің тұрақты бақылауында болып, мамандандырылған медициналық көмек алуды жалғастырып жатыр.

Google News арқылы жаңалықтарымызды қадағалаңыз