Ақтаудағы депутаттың өлімі тексеріс пластикалық хирургия клиникасынан заң бұзушылықтар тапты

Маңғыстау облыстық мәслихатының депутаты Ербол Айтуовтың өлімінен кейін пластикалық ота жасату үшін жүгінген жеке емханада жоспардан тыс тексеру жүргізілді. Бұл туралы Медициналық және фармацевтикалық бақылау комитетінің облыстық департаменті хабарлады, деп жазады Tengri Health.

Маңғыстау облыстық мәслихатының депутаты Ербол Айтуовтың өлімінен кейін пластикалық ота жасату үшін жүгінген жеке емханада жоспардан тыс тексеру жүргізілді. Бұл туралы Медициналық және фармацевтикалық бақылау комитетінің облыстық департаменті хабарлады, деп жазады Tengri Health.

"Диабетпен ауырған"

Ведомствоның мәліметінше, емделуші қайтыс болғаннан кейін Ақтаудағы жеке емханада көрсетілген медициналық көмектің сапасына қатысты жоспардан тыс тексеру жүргізілген.

"Тексеру барысында ұйымдастырушылық-тактикалық, емдік-диагностикалық шаралар бойынша, сондай-ақ медициналық құжаттарды жүргізуде кемшіліктер анықталды", - деп хабарлады ведомство.

2026 жылғы 4 сәуірде сағат 13:35-те науқас Ербол Айтуовтың жағдайы күрт нашарлап, Маңғыстау облыстық көпбейінді ауруханасының "қызыл" аймағына жедел жәрдеммен жеткізілгені белгілі болды. Бір айдан кейін, 2026 жылғы 5 мамырда ол жансақтау бөлімінде қайтыс болған.

Тексеру кезінде Айтуовтың II типті қант диабетімен ауырғаны және диспансерлік есепте тұрғаны анықталды. Бұл жайт хирург үшін ота алдында қандағы қант деңгейін реттеу мақсатында науқасты эндокринологтың қосымша тексеруіне жіберуге негіз болуы тиіс еді. Бірақ фармбақылау мәліметінше, бұл жасалмаған.

"Ота жасалмас бұрын науқас қандағы глюкоза деңгейін түзету үшін эндокринолог кеңесіне жіберілмеген. Жағдайды талдау барысында ер адамның жоспарлы хирургиялық араласу алдында тексерілгені, алайда ота алдындағы дайындық пен тәуекелдерді бағалаудың бірқатар кезеңдері қолданыстағы стандарттарға толық сәйкес келмейтіні анықталды", - деп мәлімдеді ведомство өкілдері.

Тексеру тағы қандай заңбұзушылықтарды анықтады?

Департамент өкілдері клиниканың бас дәрігері қызметін атқаратын пластикалық хирург пациенттерді жоспарлы операцияларға жатқызу және жолдама беру туралы шешім қабылдауға жауапты екенін атап өтті.

Сондай-ақ анықталған ілеспе ауруларға қарамастан, ол жоспарлы отаны өткізу мүмкіндігін бағалау үшін қосымша тексерулер тағайындамағаны және науқасты эндокринолог пен терапевт кеңесіне жібермегені нақтыланды.

"Зертханалық көрсеткіштердегі ауытқуларды ескере отырып, науқасты қосымша тексеруге және анықталған бұзушылықтарды түзетуге жіберу қажет еді", - деп атап өтті ведомство.

Ұйғарым мен хаттама

Тексеру нәтижесінде анықталған кемшіліктер бойынша медициналық орталыққа бұзушылықтарды жою туралы ұйғарым шығарылды, сондай-ақ ӘҚБтК-нің 464-бабы 1-бөлігі "Лицензиялау нормаларын немесе рұқсат беру рәсімдерін бұзу" бойынша хаттама толтырылған.

Тексеру материалдары Маңғыстау облысының полициясы мен прокуратурасына тапсырылды. Енді құқық қорғау органдары медиктердің іс-әрекетіне құқықтық баға беруі тиіс.

Лицензия және өткен тексерулер

Фармбақылау департаментінің мәліметінше, бұл медициналық орталықта бұған дейін де басқа емделушілердің шағымы негізінде жоспардан тыс тексерулер жүргізілген: бірі 2023 жылы, екіншісі 2025 жылы.

Сондай-ақ ведомство емхананың қандай лицензиялары бар екенін айтып берді.

"Медициналық орталық Маңғыстау облысының денсаулық сақтау басқармасы берген 31.07.2015 жылғы лицензия және лицензияланатын қызмет түрінің кейінгі кіші түрлеріне арналған қосымшалар негізінде қызметін жүзеге асырады: ересектерге арналған стационарлық медициналық көмек – пластикалық хирургия, анестезиология және реаниматология", - деп хабарлады ведомство.

Анықтама: Ведомство нақтылағандай, емхана тек жалпы медициналық лицензия негізінде пластикалық оталар жасай алмайды. Құжаттарда міндетті түрде пластикалық хирургияға бөлек рұқсат болуы тиіс. Сондай-ақ ота түріне байланысты қосымша медициналық қызметтерге арналған қосымша лицензиялар талап етілуі мүмкін.

Емхананың ұстанымы

Науқастың өлімі туралы ақпарат желіде тарағаннан кейін көп ұзамай медициналық орталықтың Instagram-дағы парақшасында жағдайға қатысты ақпарат жарияланды.

"Әлеуметтік желілерде тарап жатқан жалған және қарама-қайшы ақпараттарға байланысты, айып тағылып жатқан дәрігердің жарияланымдарда айтылған отаны жасамағанын хабарлаймыз", - делінген жазбада.

Жарияланған пікірде емхана ота жасауға лицензиясы бар екенін растап, Ербол Айтуовтың отбасына көңіл айтты.

Сондай-ақ редакция медициналық мекемеден ресми пікір сұрады.

"Сотқа дейінгі тергеп-тексеру органдарының ұсынымдарына сәйкес, сондай-ақ тергеудің объективтілігі мен бейтараптығын қамтамасыз ету мақсатында емхана тергеу аяқталғанға дейін пікір білдіруден және БАҚ-та ақпарат таратудан қалыс қалады", - деп хабарлады редакцияның ресми сауалына жауап ретінде.

Редакция емхананың бас дәрігерімен бірнеше рет хабарласуға тырысты, алайда жарияланым шыққан сәтке дейін ол жауап бермеді.

Мән-жайы

Естеріңізге сала кетейік, бұған дейін Маңғыстау облыстық мәслихатының депутаты Ербол Айтуовтың қайтыс болғаны хабарланған еді19 сәуірде 84 жасқа қараған шағында дүниеден озды. Ол иек астындағы артық майды алдыру үшін жеке клиникаға жүгінген.

Жеке медициналық орталық емделушісінің қазасынан кейін мекемеде жоспардан тыс тексеру жүргізілді. Бұдан бөлек, бұған дейін Маңғыстау облыстық полиция департаментінің баспасөз қызметі 49 жастағы ер адамның өліміне қатысты қылмыстық іс қозғалғанын хабарлаған болатын.

Google News арқылы жаңалықтарымызды қадағалаңыз

Жазылу

депутат

Ақтау

Маңғыстау облысы

Адам өлімі

аурухана