Арасы 7 жыл: Қазақстандағы әйелдер мен ерлердің өмір сүру ұзақтығы неше жас?

ЖИ көмегімен жасалған сурет

Ұлттық статистика бюросы былтырғы жылмен салыстырғанда қазақстандықтардың өмір сүру ұзақтығы қалай өзгергені туралы деректер ұсынды, деп хабарлайды Ұлтық статистика бюросы.

2025 жылдың қорытындысы бойынша елдегі орташа көрсеткіш 75,97 жасқа жетті. Салыстыру үшін: өткен жылы қазақстандықтар орташа есеппен 75,44 жас өмір сүрді.

Қай жердің тұрғындары ең ұзақ өмір сүреді?

Статистикаға сүйенсек, қала тұрғындары ауыл тұрғындарынан ұзақ өмір сүретінін растайды. Қалада көрсеткіш 76,63 жас болды, ал ауылдарда бұл көрсеткіш 74,81 жас деңгейінде бекітілді.

Аймаққа бөлгенде ұзақ өмір сүру бойынша мегаполистер  әдеттегідей көш бастап тұр:

Алматы — 78,83 жас; Астана — 78,78 жас.

Ең төменгі өмір сүру көрсеткіші Ұлытау облысында тіркелген — 73,56 жас.

Ерлер мен әйелдер

Ерлер мен әйелдер арасында едәуір алшақтық сақталып отыр. Қазақстанда әйелдер орташа есеппен ерлерден шамамен 8 жылға ұзақ өмір сүреді:

Әйелдер: 79,8 жас (2024 жылы — 79,42); Ерлер: 72,19 жас (2024 жылы — 71,33).

Анықтама: Өмір сүрудің болжамды ұзақтығы — статистикалық көрсеткіш. Ол биыл дүниеге келген нәрестелердің, егер өлім-жітім көрсеткіші әр жас деңгейінде қазіргідей болып қалса, орташа есеппен қанша жасқа дейін өмір сүретінін білдіреді

Бүгін, 18:11