Әрбір бесінші қазақстандық кәсіпкерлікте: отандық бизнес он мыңдаған жаңа жұмыс орнын ашты

АСТАНА, 15 желтоқсан - Sputnik. Үкімет еліміздің әрбір бесінші азаматы бизнес саласында жұмыс істейтінін хабарлады.

Елде шағын және орта бизнестің экономикаға қосқан үлесінің тұрақты өсуі байқалады. 2025 жылдың екінші тоқсанының қорытындысы бойынша ЖІӨ-дегі орта кәсіпкерліктің жалпы қосылған құнының үлесі 7,9% -ды құраған.

"Бұл дегеніміз, орта бизнес секторы нығайды. 2022-2024 жылдар бойы орта бизнестің жалпы қосылған құн 6,7–6,9% деңгейінде тұрақтылықты сақтайды, ал кәсіпорындар саны 3 мыңнан асады, бұл орта буынның жетілуі мен тұрақтылығын көрсетеді", - деп хабарлады Үкімет.

Бүгінгі таңда барлық кәсіпкерлік субъектілерінің 99,9% - ы шағын және орта компаниялар. Олар 4,4 миллионнан астам адамды жұмыспен қамтамасыз етеді, бұл бір жыл бұрынғыдан 3,9% - ға көп. Яғни, бір жыл ішінде секторда ондаған мың жаңа жұмыс орындары пайда болды.

Шағын және орта кәсіпкерліктің үлесіне елдің барлық экономикалық белсенді халқының жартысына жуығы — 45,5% келеді. Жалпы, Қазақстанның ЖІӨ-дегі шағын орта бизнес үлесі 2025 жылдың екінші тоқсанының қорытындысы бойынша 39,8%-ға дейін өскен.